Okulira 1:2 - Baibuli Ekibono kya Katonda 2014

² Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 1:2 ပူးပေါင်းရင်းမြစ်များ

Yobu 6:15

Aye bakagwa bange tibeesigika, bali ng'oti n'obwiga obubaamuuku amaadhi, ate ni gamala gakamiira.

Yobu 7:3

zeena ntyo bwemala emyezi n'emyezi nga ghazira mugaso gwe nfuniemu, era obwire bwaira ku bwinaabwo nga nzira bugheereso.

Zabbuli 126:5

Abo abasiga nga balira amaziga, ka bakungule nga bakuba emizira!

Zabbuli 31:11

Abazigu bange boonaboona bambona nga ndi kiwooboloolo; ab'oku muliinaano baaneenhinhata; bakagwa bange bantya era abambona mu nguudo baanumuka.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 69:21

Endhala bwe yaanuma, mu kifo eky'okumpa emere enkalamu, bampa eri ng'oti butwa; endiwo yaanuma bampa omwenge endoota.

Ensambo 19:7

Omwavu akyayibwa aboluganda be boonaboona, era bwe kituuka ku bakagwa be, bamwesamba bwesambe! Ni bw'abeetereza atya tibaidha.

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 2:25

Mulobe kuseenenia ngaito dhaimwe, waire okwereetera ekigheeghe, nga mulumuka okunonereza emisambwa. Aye imwe mukoba muti, ‘Titusobola kulekera agho, kuba tugonza inho emisambwa egy'abamaghanga agandi, era egyo gye twidhanga okunonereza.’ ”

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 4:30

Iwe Yerusalemu ye balekuliire obwagho, obwo bwene okuvaala ebivaalo eby'ebitiibwa ebya kasaayisaayi oba otegeeza ki, era n'okuvaala amadholobera aga zaabu oba otegeeza ki? Lwaki osiiga amaiso go langi okugalungiya? Weewoomeza bwereere! Abo be weegonzanga nabo buti bakunhooma bunhoome, era benda na kukwita.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Okulira 1:19

Nayeta bakagwa bange baidhe baanhambe, aye baaloba kwidhayo. Bakabona bange n'abantu abakulu baafiira mu kibuga, nga bali kwagala emere ey'okulya balobe kulambuka ndhala.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Ezekieli 16:37

Olw'ebyo bye wakola, ndisoloza abagonzi bo boonaboona be wasanhukanga nabo, abo be wayendanga n'abo be wakyaghanga. Ndibasoloza baava ku ndhuyi dhoonadhoona, baidha baakwefuulira baakulumba. Olwo naakutoolamu engoye dho, boonaboona baakubona ng'oli madu.

Hosea 2:7

Alirumuukirira abagonzi be, aye talibaagaana. Alibanoonia, aye talibabona. Agho alikoba ati: “Ka nje ndhireyo ye baze wange eyasooka, kuba eyo nabanga bulungi okusinga bwendi mperaano.”

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Okwolekebwa 17:13

Bano baisa kirala, era baagha ekisolo obukumu bwaibwe n'okufuga kwaibwe.

Okwolekebwa 17:16

Ate amayiga g'oboine, balyeyimba n'ekisolo baafuuka bazigu ba malaaya. Baja kumweya bamuleke kidu, bamulye emamba era bamwokere irala omuliro