Okulira 1:1 - Baibuli Ekibono kya Katonda 2014

¹ Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Okulira 1:1 ပူးပေါင်းရင်းမြစ်များ

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

2 Bakyabazinga 23:35

Kyabazinga Yehoiakimu yaasolozanga feeza ni zaabu ku bantu b'omu nsi ye ng'ajiira ku nfuna yaibwe, aghange okugheza omughendo gw'empiiya edh'omusolo kyabazinga w'e Misiri gwe yamulagira okusasulanga.

2 Ebyomubyanda 9:26

Era Solomoni oyo yafuganga bakyabazinga boonaboona okuviira irala ku mwiga Eufurate, okutuukira irala ku nsi y'Abafilisiti, ni ku nsalosalo y'e Misiri.

Ezera 4:20

Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Nehemia 5:4

Ate abandi nga bakoba bati: “Twewola empiiya okusasula omusolo gwa kyabazinga ku nimiro dhaife, ni ku masamba gaife ag'emizabbibu.

Nehemia 9:37

Bakyabazinga be wataagho okutufuganga, n'abatwala ebyo ebiva mu nsi eyo, olw'okuba twayonoona. Bali n'obuyinza okukola kye benda ku byayo byaife ni ku ife beene. Kale tuli mu bughafu obutoogerekeka.”

Zabbuli 122:4

Omwo ebika byonabyona mwe bija, ebika ebyo eby'Abaisiraeli, nga bija okusiima Musengwa Katonda, nga Musengwa Katonda oyo mwene bwe yalagira.

Isaia 14:12

Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Isaia 22:2

Iwe ekibuga ekiidhwire okwasiikana, akeegugungo n'okusasamala, abantu bo abaitiibwa, tibaitiibwa mpiima waire okufiira mu lutalo.

Isaia 3:26

Endhigi dha Yerusalemu dhiriwowoola amaziga, dhaagegenga. Ate ekibuga Yerusalemu kyene kiriba ng'oti n'omukazi enaku y'ekubye, n'atyama obwagho ku itaka amadu.

Isaia 49:21

Agho olyebuuza mule oti, ‘Naani eyanzaalira abaana bano boonaboona? Nze nafiirwa abaana, naasigalagho mulala ati ng'oti n'ole atazaalangaku, era abazigu bantoolagho, bantwala mu bunhage. Kale, naani eyaleeta abaana bano, ate nga bwenebwene nze naasigalagho mulala nti? Abaana bano baava gha.’ ”

Isaia 50:5

Musengwa Katonda yampa okutegeera, naaloba kudheema era naaloba kwira inhuma kumuvaaku.

Isaia 52:2

Iwe Yerusalemu ekibuga eky'abaatwalibwa mu bunhage, situka weekunkumule ove mu nkungu; imwe ab'e Sioni abazigu be baatwala mu bunhage, mwesibule endhegere edhibali mu nkoto.

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Yeremia 40:9

Gedalia yaabalayirira ghalala n'abaisirukale baibwe, ng'akoba ati: “Mutatya kugheereza Bababilonia. Imwe musigale mu nsi eno mugheereze bugheereze kyabazinga w'e Babilonia, byonabyona biidha kubajiira bukalamu.

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 44:6

Kyenava ni mmalira obusungu bwange n'ekiruyi kyange ku bibuga by'omu Buyudaaya, ni mu nguudo dh'omu Yerusalemu. Naabikunaaniaku omuliro, byasigala agho bityo nga bifuuse bifulukwa byereere, nga bwe bikaali ni ye buli eno.

Yeremia 50:23

Ensi Babilonia yakontakontanga amaghanga agandi goonagoona ag'omu nsi, ng'oti nhundo, yaagamaniangula. Aye yoona mperaano bagikonsekonse baagimaniangula. Era amaghanga goonagoona gatiire inho olw'ebyo ebigituuseeku.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 1:19

Nayeta bakagwa bange baidhe baanhambe, aye baaloba kwidhayo. Bakabona bange n'abantu abakulu baafiira mu kibuga, nga bali kwagala emere ey'okulya balobe kulambuka ndhala.

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Okulira 2:10

Abasaadha abakaire ab'omu kibuga Sioni batyama agho ku itaka baasiriikirira. Beeyugha enkungu mu mitwe nga beesibye ebikaakaati olw'enaku. N'abaghala baamu boona baakuba amakiryaivu agho ku itaka.

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Okulira 5:16

Ghazira akaatutaamu kitiisa. Tukagwireku, kuba twayonoona.

Ezekieli 26:16

Agho bakyabazinga boonaboona ab'ensi edhiriiraine ku nhandha, baliva ku bityamo byaibwe eby'obwakyabazinga, baatoolamu ebivaalo byaibwe ebiriku amadholobera. Baatyama ku itaka era baadhugumira buli kaseera, nga batiire inho olw'ebyo ebikutuuseeku.

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Ezekieli 5:5

Agho Musengwa Katonda yaakoba ati: “Ekibuga kino Yerusalemu nakita ghagati agh'ensi dhoonadhoona, olwo amaghanga goonagoona gaaba nga gakyezungulwire.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’