Okubala 9:6 - Baibuli Ekibono kya Katonda 2014

⁶ Aye ghaaligho abasaadha abataali balongoofu olw'okugema ku mulambo, olwo baaba nga tibasobola kukola kibinuko ekyo ku lunaku olwo. Agho baaja ye Musa ni Aaroni ku lunaku olwo,

Okubala 9:6 ပူးပေါင်းရင်းမြစ်များ

Okuvaayo 18:15

Musa yaamwiramu ati: “Ndi n'okukola ntyo, kuba abantu baidha ye ndi okubuuza Katonda by'akoba ku nsonga edh'endhawulo.

Okuvaayo 18:19

Mpulirisa nkughe ku magezi, era Katonda abe n'iwe! Iwe sigala ng'oli ghagati gha Katonda n'abantu, era ng'ensonga dhaibwe odhimutwalira okudhigondhoola.

Okuvaayo 18:26

Abo baasaliranga abantu emisango buliidho. Emisango egyalinga emikalangufu nga bagitwalira Musa, aye emitonotono gyonagyona nga bagimala beene.

Abalevi 21:11

Tiyeereeterenga kuba atali mulongoofu oba okwonoona Ekifo kyange Ekitukuvu, ng'akivaamu okuseeta aghali omulambo, ni bwe guba ogwa ise oba ogwa inhina, kuba yayawulirwa nze Katonda we ng'asiigibwa omuzigo omutukuvu.

Okubala 15:33

Abo abaamwagaana, baamuleeta eri Musa ni Aaroni n'Abaisiraeli abandi boonaboona.

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 19:14

“Lino n'eiteeka erigema ku muntu afiira mu weema: Omuntu yeenayeena aidha mu weema eyo, aidha kubanga nga tiimulongoofu okumala enaku musanvu. N'oyo aba ng'agirimu mu kiseera ekyo omuntu oyo ky'afiiriiremu, yeena aidha kubanga nga tiimulongoofu okumala enaku omusanvu.

Okubala 19:16

Omuntu yeenayeena bw'anaabanga ng'ali eyo kuliya, n'agema ku muntu ye baise obwite, oba ku muntu afiire mwene, oba ku igumba ery'omuntu, oba ku magombe, aidha kubanga nga tiimulongoofu okumala enaku musanvu.

Okubala 19:18

Agho omuntu omulongoofu aidha kutoolanga akati akeetebwa hissopu akainhike mu maadhi ago, memale agamansire mu weema eyo, ni ku bintu byamu byonabyona, ni ku bantu abaagirimu, ni ku oyo anaabanga ng'agemye ku muntu aitiibwa obwitibwe, oba ku afiire mwene, oba ku igumba, oba ku magombe.

Okubala 27:2

Abaghala abo baaja baayemerera mu maiso ga Musa, ni Eleazari kabona, n'abakulembeze, n'abantu boonaboona, agho ku mulyango ogw'Eweema ey'Okwagaananirangamu ni Musengwa Katonda. Baakoba bati:

Okubala 27:5

Agho Musa yaatwala ensonga yaibwe eyo eri Musengwa Katonda.

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Okubala 9:7

baabakoba bati: “Tituli balongoofu olw'okugema ku mulambo, aye lwaki tuloberwa okuleetera Musengwa Katonda ebigheebwayo mu kiseera ekyalagirwa ghalala ni Baisiraeli banaife?”

Yoanne 18:28

Obwire nga bwakakya, baatoola Yesu mu ndhu ya Kayafa baamutwala mu kisaagaati ky'omufuzi Omuroma ekyetebwa Puraetorio. Aye beene tibangira mu kisaagaati ekisalirwamu emisango olw'obutenda kwereetaku mbiidhabiidha, basobole okulya ku Kibinuko eky'Okwidhukiriraku Okubitizibwa.