Okubala 9:20 - Baibuli Ekibono kya Katonda 2014

²⁰ Ku mikuzi egindi ekire ekyo kyaghembanga ku Weema eyo okumala enaku ntono, aye era nga bagondera ekiragiro kya Musengwa Katonda, basigala agho ghe baasimba weema dhaibwe. Olumaliira Musengwa Katonda bweyalagiranga, nga basimbuka baaja.

Okubala 9:20 ပူးပေါင်းရင်းမြစ်များ

Zabbuli 48:14

muti: “Katonda ono, ni Katonda waife ebyanda n'ebyanda. Ono n'aidha okutukulemberangamu ebyanda n'ebyanda.”

Ensambo 3:5

Weesigenga Musengwa Katonda n'omwoyo gwo gwonagwona, se ti kwesiga kutegeera kwo.

Ensambo 3:6

Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Okubala 10:13

Agho baatoolera okutambula omukuzi ogwasooka nga Musengwa Katonda bweyabalagira ng'abita mu Musa.

Okubala 9:18

Abaisiraeli baatambulanga nga Musengwa Katonda amaze kubalagira, era baasimbanga weema dhaibwe era ng'amaze kubalagira. Era nga basigala mu kifo kirala ekyo ekiseera kyonakyona ekire kye kyamalanga nga kighembye ku Weema ey'Okwagaananirangamu ni Musengwa Katonda.

Okubala 9:19

Ekire ekyo ni bwe kyasigalanga nga kikaaghembye ku Weema eyo okumala ekiseera ekireeyi, Abaisiraeli bagonderanga ekiragiro kya Musengwa baasigala mu kifo kirala ekyo.

Okubala 9:21

Era ku mikuzi egindi ng'ekire kibaagho bwa kuva igulo okutuusa ku nkyo. Bwe kyatoolebwangagho ku nkyo, nga batoolera okutambula. Era olundi kyabangagho olunaku lulala n'obwire bulala, aye era bwe kyatoolebwangagho kiti, nga batoolera okutambula.

Amateeka Agokubiri 7:21

Kale ni mutabatyanga, kuba Musengwa Katonda waimwe aba mu imwe, era oyo n'omukologho ali n'okutiibwa.