Okubala 9:16 - Baibuli Ekibono kya Katonda 2014

¹⁶ Kityo bwe kyalinga buli lunaku. Omusana ekire kyagighembaku, ate obwire, ekire ekyo kyafaanananga ng'oti muliro.

Okubala 9:16 ပူးပေါင်းရင်းမြစ်များ

Nehemia 9:12

Omusana wabakulemberangamu ng'oli mu kire ekiri ng'oti mpango ate obwire waabanga mu muliro oguli ng'oti mpango, okubamuliikirira engira ye babe babitemu.

Nehemia 9:19

Aye iwe olw'okusaasira kwo okungi tiwabalekulira agho nga bali mu irungu. Tiwabatoolaku kire ekiri ng'oti mpango, ekyabakulemberangamu omusana, waire okubatoolaku omuliro oguli ng'oti mpango, ogwabamuliikiriranga obwire engira ye babe babitemu.

Zabbuli 105:39

Katonda yaayandhuluza ekire kyabwika abantu be, ate obwire yaataagho omuliro gwabamuliikirira.

Zabbuli 78:14

Omusana yaboolekanga engira ng'akozesa ekire ekyabakulemberangamu ate obwire yaagibooleka n'ekintu ekyaka ng'oti muliro.

Okuvaayo 40:34

Agho ekire kyaidha kyaghemba ku Weema ey'Okwagaananirangamu ni Musengwa Katonda, era ekitiisa kya Musengwa Katonda kyaidhula Eweema eyo.

Okuvaayo 40:38

Era mu kutambula kwaibwe kwonakwona, ng'ekire kya Musengwa Katonda ekyo kiba ku Weema Entukuvu omusana, ate obwire nga mu kire omwo mwakamu omuliro ng'Abaisiraeli boonaboona babona.

1 Ab'e Korintho 10:1

Aboluganda, nhenda mwidhukire ebyatuuka ku badhaadha baife abaanonereza Musa, boonaboona ekire kyabakulemberamu, era boonaboona baabita mu nhandha.

2 Ab'e Korintho 5:19

Kye tukoba ni kino nti Katonda yaleetera abantu boonaboona okwisania naye ng'abita mu Kurisito, nga tababalira bibi bye baakola naire. Era twena yatugemya obukwenda obubaleetera okwisania naye.

Amateeka Agokubiri 1:33

eyabakulemberangamu okubaagalira ekifo eky'okusimbamu weema dhaimwe. Obwire ng'aba mu muliro oguli ng'oti mpango, ate omusana yaaba mu kire ekiri ng'oti mpango, okubooleka engira ye munaabitamu.”

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.