Okubala 9:14 - Baibuli Ekibono kya Katonda 2014

¹⁴ “Omuntu ow'endha eyasenga mu imwe bw'anaayendanga okukola Ekibinuko eky'Okwidhukiriraku Okubitizibwa olw'okusinza Musengwa Katonda, aidha kugondera amateeka goonagoona n'ebiragiro ebigema ku kibinuko ekyo. Amateeka geene ago n'agagemanga ku musenze ni ku Muisiraeli mwene.”

Okubala 9:14 ပူးပေါင်းရင်းမြစ်များ

Ezera 6:21

Omusengo ogw'ekibinuko ekyo bano n'abaagulyaku: Abaisiraeli boonaboona abaira okuva mu bunhage, n'abo boonaboona abaabeyimbaku ni baleka empisa enhonoonefu edh'abantu abaabanga mu nsi eyo, olw'okwenda okusinzanga Musengwa Katonda, Katonda wa Isiraeli.

Okuvaayo 12:43

Musengwa Katonda yaakoba Musa ni Aaroni ati: “Gano n'amateeka ge munaajiirangaku nga mulya Ekibinuko eky'Okwidhukiriraku Okubitizibwa: Omuntu ow'endha atali Muisiraeli atakiryangaku.

Okuvaayo 12:47

Abaisiraeli boonaboona bateekwa okukola Ekibinuko ekyo.

Abalevi 19:10

Era mutairangayo inhuma mu masamba gaimwe ag'emizabbibu okusoloza egyo egyerabiirwa okusala oba okulonderera egiba gikunkumwike. Ebyo byonabyona mubirekeranga abaavu n'abasenze. Ninze Musengwa Katonda waimwe.

Abalevi 22:25

“Ensolo dhe mutoire mu basenze, mutadhighangayo eri Katonda waimwe ng'ekigheebwayo eky'eby'okulya. Edho dhibalibwa ng'edhiriku ekikyamu era Musengwa Katonda taja kudhisiima.”

Abalevi 24:22

Eiteeka eryo ligema ku Baisiraeli ni ku basenze abali mu Isiraeli, kuba ninze Musengwa Katonda waimwe.”

Abalevi 25:15

Omughendo gunaagerekebwanga, nga gujiira ku myaka eitaka gye linaamalanga nga liri kubalaku ebibala, memale omwaka ogw'okuliiriza oyo ali kulitunda gutuuke.

Okubala 15:15

Amateeka malala ago n'agaidha okufuganga imwe Abaisiraeli n'abasenze abali mu imwe, era tigaakyukengamu ense n'ense. Imwe n'abasenze mwidha kubisibwanga bulala.

Okubala 15:16

Amateeka n'amalala ago, n'ebiragiro n'ebirala ebyo ebinaafuganga imwe n'abasenze ababa mu imwe.”

Amateeka Agokubiri 29:11

n'abakazi, n'abaana abato, n'abasenze ababa mu imwe ababaasaagira enku ni babajiira n'amaadhi.

Amateeka Agokubiri 31:12

Mwidha kusolozanga abantu boonaboona, abasaadha, n'abakazi, n'abaana abato, n'abasenze ababa mu bibuga byaimwe, bawulirenga era beegenga okutya Musengwa Katonda waimwe. Era beegenderezenga nga bagema Amateeka gano goonagoona n'okugatuukiriza.