Okubala 8:7 - Baibuli Ekibono kya Katonda 2014

⁷ Kola oti: bamansireku amaadhi agatukuzaaku ebibi era obakobe basaleku enviiri edhibali ku mibiri gyaibwe dhoonadhoona. Bayoze engoye dhaibwe, olwo beetukuze.

Okubala 8:7 ပူးပေါင်းရင်းမြစ်များ

Amainhama 35:2

Agho Yakobo yaakoba ab'omu ndhu ye, n'abo boonaboona abaali naye ati: “Musuule ere emisambwa egy'abamaghanga agandi gye muli nagyo mwetukuze, mukyuse ebivaalo, muvaale ebitukula.

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Abalevi 15:27

Na kiisi muntu anaagemanga ku bintu ebyo taabenga mulongoofu, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:6

N'oyo anaatyamanga ku kintu ow'obulwaire obwo ky'abaire atyaimeku, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 16:28

Oyo abyokya anaayozanga ebivaalo bye, yaanaaba omubiri mu maadhi, memale yaira mu kifo omuba abantu.

Abalevi 8:6

Agho yaaleeta Aaroni ni batabane be, yaakola omukolo ogw'okubanaaza n'amaadhi.

Okubala 19:13

Omuntu yeenayeena agema ku muntu afiire, aye n'ateetukuza, ayonoona Weema ya Musengwa Katonda. Era omuntu oyo aidha kulekeranga okubalibwa mu Baisiraeli; kuba aba tamansiirwaku maadhi ga kumutukuza. Aidha kubanga nga tiimulongoofu, era asigalenga n'obutali bulongoofu bwe.

Okubala 31:20

Era mwidha kutukuza buli kivaalo, na buli kintu kya luwu, n'ebintu byonabyona ebyakolebwa mu buviiri obw'embuzi, era n'ebyo byonabyona ebyakolebwa mu muti.”

Okubala 8:21

Abalevi beetukuzaaku ebibi, era baayoza engoye dhaibwe. Aaroni yaabaghaayo eri Musengwa Katonda ng'ekigheebwayo ekiwuubibwa, era yaabaleetera okutoolebwaku ebibi, baatukuzibwa.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

Abaheburayi 9:13

Omusaayi ogw'embuzi, n'ogw'ente enume, n'eivu ery'ente enduusi, bwe bimansirwa ku abo abatali balongoofu bibatukuza baaba balongoofu mu by'oku ngulu.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.