Okubala 8:21 - Baibuli Ekibono kya Katonda 2014

²¹ Abalevi beetukuzaaku ebibi, era baayoza engoye dhaibwe. Aaroni yaabaghaayo eri Musengwa Katonda ng'ekigheebwayo ekiwuubibwa, era yaabaleetera okutoolebwaku ebibi, baatukuzibwa.

Okubala 8:21 ပူးပေါင်းရင်းမြစ်များ

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Abalevi 14:11

Kabona aidha kutwalanga omuntu oyo n'ebintu ebyo emberi w'Eweema ey'Okwagaananirangamu ni Musengwa Katonda.

Okubala 19:12

Ku lunaku olwokusatu ni ku lunaku olwomusanvu aidha kunaabanga n'amaadhi ag'okwetukuza, memale abenga omulongoofu. Aye bw'ateetukuzenga ku nnaku edho dhombi, olwokusatu n'olwomusanvu, taabenga mulongoofu.

Okubala 19:19

Omuntu oyo omulongoofu aidha kumansiranga amaadhi ago ku ole atali mulongoofu, ku lunaku olwokusatu ni ku lunaku olwomusanvu. Ku lunaku olwomusanvu aidha kumutukuzanga, era omuntu oyo atukuziibwa aidha kwozanga ebivaalo bye era anaabenga omubiri n'amaadhi. Olwo, eigulo eryo aidha kubanga mulongoofu.

Okubala 3:12

“Bona eno, ntoire Abalevi mu Baisiraeli boonaboona, mu kifo eky'okutoola buli mwana omuberi azaalibwa Abaisiraeli. Baidha kubanga bange,

Okubala 8:15

Era baidha kugheerezanga mu Weema ey'Okwagaananirangamu ni Musengwa Katonda, ng'omaze okubatukuza n'okubaghaayo ng'ekigheebwayo ekiwuubibwa;

Okubala 8:20

Kale Musa ni Aaroni n'Abaisiraeli boonaboona baakola batyo ku Balevi. Baatuukiriza byonabyona Musengwa Katonda bye yalagira Musa okukola ku Balevi.

Okubala 8:22

Ebyo nga biwoire, Abalevi baaja baagheereza mu Weema ey'Okwagaananirangamu ni Musengwa Katonda, nga balabirirwa Aaroni ni batabane be. Musengwa Katonda bye yalagira Musa bikolebwe ku Balevi abo, n'ebyo abantu bye baabakola.

Okubala 8:7

Kola oti: bamansireku amaadhi agatukuzaaku ebibi era obakobe basaleku enviiri edhibali ku mibiri gyaibwe dhoonadhoona. Bayoze engoye dhaibwe, olwo beetukuze.