Okubala 8:2 - Baibuli Ekibono kya Katonda 2014

² “Koba Aaroni oti, bw'aba ng'ali kuta entaala omusanvu ku kikondo kyadho, adhiteeku dhibe nga dhimulisa mberi wa kikondo ekyo.”

Okubala 8:2 ပူးပေါင်းရင်းမြစ်များ

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 119:130

Omuntu bw'ainhonholwa ebibono byo afunamu obutangaavu n'ole azira magezi yaafunamu amagezi.

Okuvaayo 25:37

Bw'omala oidha kukola entaala musanvu edh'okubanga ku kikondo ekyo, era odhiteeku dhibe nga dhimulisa mberi wa kikondo ekyo.

Okuvaayo 37:23

Agho yaakola entaala musanvu edh'okubanga ku kikondo ekyo, ni makansu edhisala ebisiriiza ku ntambi, n'esowaani edhiteebwaku ebisiriiza ebyo. Ebyo byonabyona yaabikola mu zaabu omukenenule.

Okuvaayo 39:37

Era baamuleetera ekikondo eky'entaala ekyakolebwa mu zaabu omukenenule, n'entaala dhaaku, n'ebikozesebwaku ebindi byonabyona, n'amafuta ag'entaala.

Okuvaayo 40:25

Era yaata entaala mu bifo byadho ku kikondo, dhaaba nga dhimulisa nga Musengwa Katonda bweyamulagira.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Abalevi 24:4

Aaroni anaalabiriranga buliidho entaala edhiri ku kikondo ekya zaabu omukenenule, mu maiso ga Musengwa Katonda.

Okubala 8:1

Agho Musengwa Katonda yaakoba Musa ati:

Okubala 8:3

Era Aaroni yaakola atyo, yaata entaala ku kikondo kyadho nga dhimulisa mberi wa kyo, nga Musengwa Katonda bweyalagira Musa.

Matayo 5:14

“Niimwe ekimulika eky'ensi. Ekibuga ekizimbwa ku lusozi tikighanga kugisibwa.

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Okwolekebwa 1:12

Agho naagaluka okubona ali kwogera ninze. Bwe nagaluka, naabona ebikondo by'entaala musanvu ebya zaabu.

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Okwolekebwa 4:5

Ku kityamo eky'obwakyabazinga ekyo nga kuvaaku okumyansa okw'eigulu, okududumuka, n'okutyabuka okw'olukuba. Emberi waakyo nga ghaligho ebisiki ebiri kwaka, era nga bino n'emyoyo omusanvu egya Katonda.