Okubala 7:9 - Baibuli Ekibono kya Katonda 2014

⁹ Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Okubala 7:9 ပူးပေါင်းရင်းမြစ်များ

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

2 Samueli 6:3

Agho baata Esanduuku eyo ku kigaali ekiyaaka, Uzza ni Ahio batabane ba Abinadabu baakivuga nga bakitoola mu ndhu ya Abinadabu oyo eyali ku lusozi

2 Samueli 6:6

Bwe baatuuka mu kifo aghakubirwa engaano ekya Nakoni, ente dhaaba oti dhenda kugwa. Kale, Uzza yaagema n'engalo dhe ku Sanduuku ey'endagaano.

1 Bakyabazinga 8:3

Abakulu ab'ebika ab'omu Isiraeli boonaboona bwe baidha, bakabona baabbeeda Esanduuku ey'Endagaano,

1 Ebyomubyanda 15:13

Olw'okuba ti niimwe omwagibbeeda ku mukuzi ogwasooka, Musengwa Katonda waife kyeyava n'atubonereza olw'obutakola nga bwe yalagira.

1 Ebyomubyanda 15:3

Kale Daudi yaayeta Abaisiraeli boonaboona, baaja beesololeza e Yerusalemu okutwala Sanduuku ya Musengwa Katonda mu kifo kye yali agitegekeire.

1 Ebyomubyanda 23:26

Kale ni Abalevi tikikaabeetaagisa kubbeeda Weema ya Musengwa Katonda n'ebintu eby'okukozesa mu Weema eyo.”

Okubala 3:31

Omulimo gwaibwe gwali gwa kulabiriranga Esanduuku ey'Endagaano, emeeza, ekikondo eky'entaala, alutaari, n'ebintu byonabyona bakabona bye baakozesanga mu Kifo Ekitukuvu, era n'ekintu ekikinzaagho. Nga n'abalabirira emirimo egigemagana n'ebintu ebyo byonabyona.