Okubala 7:89 - Baibuli Ekibono kya Katonda 2014

⁸⁹ Agho Musa bweyaja mu Weema ey'Okwagaananirangamu ni Musengwa Katonda, okwogera ni Musengwa Katonda, yaawuliranga amamiro nga gava ghaigulu agh'ekisandikiza eky'Esanduuku ey'Endagaano. Gaaviira ghagati agh'ebitonde ebibiri ebiri n'amaghagha ebyetebwa kerubi, gaayogera naye.

Okubala 7:89 ပူးပေါင်းရင်းမြစ်များ

1 Bakyabazinga 6:23

Mu Kifo Ekitukuvu Einho yaakolerayo ebifaananie eby'ebitonde bibiri ebiri n'amaghagha ebyetebwa kerubi. Yaabikola mu miti emyoliva, nga buli kifaananie kigheza mita ina n'obutundu buna mu bugungumavu.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Okuvaayo 40:34

Agho ekire kyaidha kyaghemba ku Weema ey'Okwagaananirangamu ni Musengwa Katonda, era ekitiisa kya Musengwa Katonda kyaidhula Eweema eyo.

Okuvaayo 40:35

Olw'ensonga eyo, Musa yaaba nga taghanga kungira mu Weema eyo.

Abalevi 1:1

Musengwa Katonda yayeta Musa, yaayogera naye mu Weema ey'Okwagaananirangamu ni Musengwa Katonda yaamukoba ati:

Okubala 1:1

Ku lunaku olusooka mu mwezi ogwokubiri, mu mwaka ogwokubiri kasookanga Baisiraeli bava mu nsi Misiri, Musengwa Katonda yayogera ni Musa, mu irungu ery'e Sinai, mu Weema ey'Okwagaananirangamu ni Musengwa Katonda. Yaamukoba ati:

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 12:8

Oyo ndhogera naye butereevu maiso ku maiso, se ti mu bikoiko. Era ambona bukalamu nga bwe nfaanana. Kale mukana mutya ni mwemuluguunhiza omugheereza wange oyo Musa?”

Okubala 8:1

Agho Musengwa Katonda yaakoba Musa ati:

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

1 Samueli 4:4

Kale baatuma abakwenda e Shilo, baatoolayo Esanduuku ey'Endagaano ya Musengwa Katonda, oyo Afuga Amagye era atyama ku bitonde ebiri n'amaghagha ebyetebwa kerubi. Batabane ba Eli bombi, Hofuni ni Finehasi, boona baidhira ghalala n'Esanduuku y'Endagaano ya Katonda.