Okubala 7:45 - Baibuli Ekibono kya Katonda 2014

⁴⁵ Era kyalimu ni bino: Ente ento enume ndala, entaama ento enume ndala ey'omwaka omulala n'entaama enume ndala enkulu; ekyo nga n'ekigheebwayo ekyokebwa.

Okubala 7:45 ပူးပေါင်းရင်းမြစ်များ

Zabbuli 50:8

Tiri kubanenia lwa misengo gyaimwe, oba olw'ebigheebwayo ebyokebwa bye mumpa.

Zabbuli 66:15

Ndidha kukughanga ensolo empiite ensavu ng'ebigheebwayo ebyokebwa; era ndidha kughangayo embuzi n'ente enume, aghalala n'entaama enume, memale omwosi gwabyo gunioke nga guja ghaigulu.

Isaia 1:11

Musengwa Katonda oyo akoba ati: “Emisengo gyaimwe olukunkumuli gye mughaayo, nze gingasa ki? Nsiniirwa entaama enume dhe mughaayo, n'amasavu g'ensolo dhaimwe empiite ge mughaayo ng'ebigheebwayo ebyokebwa. Nzira isanhu lye nfuna mu kumpa musaayi gwa nte nume, waire ogw'entaama n'ogw'embuzi enume.

Isaia 53:4

Bwenebwene yatwala obughafu bwaife, yeetwika enaku yaife. Aye ife twalowooza tuti okukubibwa n'okufumitibwa n'okudaazibwadaazibwa kwe kyali kibonerezo Katonda kye yamusindikira.

Okubala 7:44

Era ekigheebwayo kye kyalimu ekintu ekibaamu obubbaani kirala ekyakolebwa mu zaabu, nga kizitogha guraamu kikumi na ikumi era nga kiidhwire obubbaani.

Okubala 7:46

Era kyabaamu embuzi enume ndala; ekyo nga n'ekigheebwayo olw'ebibi.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.