Okubala 7:3 - Baibuli Ekibono kya Katonda 2014

³ baaleetera Musengwa Katonda ebigheebwayo bino: ebigaali eby'okutambuliramu mukaaga n'ente endaagho ikumi na ibiri, nga kiisi mukulembeze omulala aghaayo ente ndala, ate nga kiisi bakulembeze ababiri baghaayo ekigaali. Baabigheerayo agho mu maiso ag'Eweema ey'Okwagaananirangamu ni Musengwa.

Okubala 7:3 ပူးပေါင်းရင်းမြစ်များ

Amainhama 45:19

Era balagire oti, ‘Mukole muti: Bwe munaaba nga muva ghano mu Misiri, muje n'ebigaali eby'okutambuliraku okwo kwe mulireetera abaana baimwe abato ni bakazi baimwe, era mwidhe n'iseimwe.

Amainhama 45:21

Batabane ba Isiraeli baakola nga bwe baalagirwa. Yosefu yaabagha ebigaali eby'okutambuliraku nga kyabazinga bweyalagira. Era yaabagha n'eby'okuliira mu lugendo.

Ezera 2:68

Abandi ku bakulu ab'enda dha baiseibwe bwe baatuuka e Yerusalemu aghaabanga eisinzizo lya Musengwa Katonda, baaghaayo ebigheebwayo eby'ekyeyendere olw'endhu ya Katonda eyo ezimbibwe mu kifo kyayo.

Okuvaayo 25:2

“Koba abantu Abaisiraeli, buli muntu atoole ekigheebwayo ky'anaaba asazeegho akikughe okindeetere.

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Amosi 2:13

“Kale ni bona eno, nja kubasiinhira ku itaka, mube ng'oti n'ekigaali ekighaluzibwa ekiidhwire engaano.

Okubala 7:4

Agho Musengwa Katonda yaakoba Musa ati: