Okubala 7:19 - Baibuli Ekibono kya Katonda 2014

¹⁹ Ekigheebwayo kye kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ekyo nga n'ekigheebwayo eky'emere ey'empeke.

Okubala 7:19 ပူးပေါင်းရင်းမြစ်များ

Ezera 1:9

Guno n'ogwali omughendo gwabyo: Ebbakuli dha zaabu lukumi (1,000), ebbakuli dha feeza lukumi (1,000), ebiniokezebwaku obubbaani amakumi abiri na mwenda,

Okuvaayo 25:29

Emeeza eyo mugikolereku ebibya n'enkaayi, era mugikolereku n'ensugha, n'ebikopo, olw'ebigheebwayo ebifukibwa. Ebintu ebyo mubikole mu zaabu omukenenule.

Yeremia 52:18

Baatwala ensugha, n'ebitiiyo, ni makansu edhisala ebisiriiza ku ntambi dh'entaala, n'ebintu mwe baatanga obubbaani, n'ebintu ebindi byonabyona eby'ekyuma eky'ekikomo bye baakozesanga mu kugheereza mu isinzizo.

Abalevi 2:1

“Omuntu yeenayeena bw'anaabanga ng'ali kughaayo ekigheebwayo eky'emere ey'empeke eri Musengwa Katonda, emere anaamalanga kugisa bukalamu, yaateeraku n'omuzigo, n'obubbaani.

Abalevi 5:11

Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.

Zekaria 14:20

Mu kiseera ekyo, ni bwebiba ebide obude bye basiba mu mbalaasi, byona biriba bighandiikiibwaku biti: “Yayawulibwa nga ya Musengwa Katonda.” N'entamu edh'omu isinzizo lya Musengwa Katonda dhiritwalibwanga okuba entukuvu ng'oti n'ebibya ebiba emberi gh'alutaari.

Okubala 7:18

Ku lunaku olwokubiri Nethaneli mutabane wa Zuari nga n'akulira ekika kya Issakari n'eyaghaayo ekigheebwayo kye.

Okubala 7:20

Era ekigheebwayo kye kyalimu ni bino: Ekintu ekibaamu obubbaani kirala ekyakolebwa mu zaabu, nga kizitogha guraamu kikumi na ikumi (110) era nga kiidhwire obubbaani,

Matayo 14:8

Omughala nga yeeyambisa amagezi inhina ge yamugha, yaakoba ati: “Mpa ghano buti ku lusowaani omutwe gwa Yoanne Omubatiza.”

Mariko 6:25

Omughala yaayangughaku okwira eri Herode yaamukoba ati: “Nhenda butibuti, ompe ku lusowaani omutwe gwa Yoanne Omubatiza.”