Okubala 7:10 - Baibuli Ekibono kya Katonda 2014

¹⁰ Abakulembeze abo era baaghaayo ebigheebwayo agho mu maiso g'alutaari ku lunaku lwe yafukibwaku omuzigo, olw'okugighaayo ebe ya Musengwa Katonda.

Okubala 7:10 ပူးပေါင်းရင်းမြစ်များ

1 Bakyabazinga 8:63

Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

2 Ebyomubyanda 7:5

Kyabazinga Solomoni yaaghaayo ente emitwalo ebiri n'enkumi ibiri (22,000), n'entaama emitwalo ikumi n'ebiri (120,000) ng'emisengo. Kale atyo kyabazinga Solomoni n'abantu boonaboona baatukuza eisinzizo okulighaayo libe erya Katonda.

2 Ebyomubyanda 7:9

Baamala enaku omusanvu edh'okutukuza alutaari ebe eya Musengwa Katonda, n'enaku edhindi omusanvu edh'ekibinuko ekyo. Ku lunaku olwomunaana boonaboona beesoloza ghalala okusinza.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Nehemia 12:43

Ku lunaku olwo baaghaayo emisengo kamaala inho, nga basagamba olw'okuba Katonda yabagha eisanhu lingi inho. Abakazi n'abaana boona baasagamba, era okusanhuka okwali mu Yerusalemu kwatuuka ghala inho okuva agho.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Okubala 7:1

Olunaku Musa lwe yamaliriza okusimba Weema ey'Okwagaananirangamu ni Musengwa Katonda, yagifukaku omuzigo yaagyawula okuba eya Musengwa Katonda aghalala n'ebintu byamu byonabyona. Era yaafuka ku alutaari omuzigo, yoona yaagyawula okuba eya Musengwa Katonda aghalala n'ebintu ebikozesebwaku byonabyona.

Okubala 7:11

Musengwa Katonda yaakoba Musa ati: “Abakulembeze abo baidha kughangayo ebigheebwayo ebyo mu ngobo, buli muntu olunaku lwe.”

Okubala 7:84

Ebyo byonabyona aghalala n'ebigheebwayo, abakulembeze mu Isiraeli bye baaghaayo nga bali kughaayo alutaari ebe ya Musengwa Katonda, ku lunaku lwe yafukibwaku omuzigo. Baaghaayo sowaani ikumi na ibiri edhaakolebwa mu feeza, ni bbakuli ikumi na ibiri nga dhoona dhaakolebwa mu feeza. Era baaghaayo ebintu ebibaamu obubbaani ikumi na bibiri ebyakolebwa mu zaabu.

Okubala 7:88

Era baaghaayo ente endaagho abiri na ina, entaama enume enkulu nkaaga, embuzi enume nkaaga, entaama ento enume nkaaga edh'omwaka omulala omulala. Ebyo n'ebigheebwayo, abakulembeze bye baaghaayo nga bali kughaayo alutaari ebe ya Musengwa Katonda, ng'emaze okufukibwaku omuzigo.

Amateeka Agokubiri 20:5

“Agho abakulu mu igye baidha kwogeranga n'abalwani, nga bakoba bati, ‘Ghano ghaligho omuntu abaire nga yaakamala okuzimba endhu ye, aye ng'akaali kukola mukolo gwa kugighaayo ye Katonda? Bw'aba ng'aligho, aireyo eka kuba tomanha bw'afiira mu lutalo, omuntu owundi n'akola mukolo ogwo.