Okubala 7:1 - Baibuli Ekibono kya Katonda 2014

¹ Olunaku Musa lwe yamaliriza okusimba Weema ey'Okwagaananirangamu ni Musengwa Katonda, yagifukaku omuzigo yaagyawula okuba eya Musengwa Katonda aghalala n'ebintu byamu byonabyona. Era yaafuka ku alutaari omuzigo, yoona yaagyawula okuba eya Musengwa Katonda aghalala n'ebintu ebikozesebwaku byonabyona.

Okubala 7:1 ပူးပေါင်းရင်းမြစ်များ

Amainhama 2:3

Yaagha olunaku olwo olwomusanvu enkabi era yaalutukuza. Kuba olwo lwe yawuumuliraku emirimo gye gyonagyona egy'okutonda.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

Okuvaayo 13:2

“Mugheeyo abaana ababeri boonaboona babe bange, kuba kiisi ekinaazaalibwanga mu luzaalo olusooka mu Baisiraeli, k'abe omuntu oba ensolo, kinaabanga kyange.”

Okuvaayo 29:36

Buli lunaku mu nnaku edho omusanvu, oidha kughangayo ente enume ng'ekigheebwayo olw'ebibi. Era ogheeyo ekigheebwayo olw'okutukuza alutaari, olwo ogisiige omuzigo olw'okugitukuza.

Okuvaayo 40:11

Era mutyo bwe munaatukuza ekyogero n'ekityamo kyakyo, nga mubisiiga omuzigo.

Okubala 17:2

“Koba Abaisiraeli boonaboona bakughe emiigo ikumi n'ebiri, mulala mulala okuva ku buli mukulu wa kika. Era omale oghandiike eriina lya buli mukulu wa kika ku mwigo gwe.

Okubala 7:10

Abakulembeze abo era baaghaayo ebigheebwayo agho mu maiso g'alutaari ku lunaku lwe yafukibwaku omuzigo, olw'okugighaayo ebe ya Musengwa Katonda.

Okubala 7:84

Ebyo byonabyona aghalala n'ebigheebwayo, abakulembeze mu Isiraeli bye baaghaayo nga bali kughaayo alutaari ebe ya Musengwa Katonda, ku lunaku lwe yafukibwaku omuzigo. Baaghaayo sowaani ikumi na ibiri edhaakolebwa mu feeza, ni bbakuli ikumi na ibiri nga dhoona dhaakolebwa mu feeza. Era baaghaayo ebintu ebibaamu obubbaani ikumi na bibiri ebyakolebwa mu zaabu.

Okubala 7:88

Era baaghaayo ente endaagho abiri na ina, entaama enume enkulu nkaaga, embuzi enume nkaaga, entaama ento enume nkaaga edh'omwaka omulala omulala. Ebyo n'ebigheebwayo, abakulembeze bye baaghaayo nga bali kughaayo alutaari ebe ya Musengwa Katonda, ng'emaze okufukibwaku omuzigo.

Matayo 23:19

Abatulu imwe, kiki ekisinga, ekirabo oba alutaari etukuza ekirabo ekyo?