Okubala 6:27 - Baibuli Ekibono kya Katonda 2014

²⁷ Musengwa Katonda era yaakoba ati: “Kale ni batyo bwe baidhanga okukozesa eriina lyange nga basabira Abaisiraeli enkabi, era zeena ndidha kughanga abantu abo enkabi.”

Okubala 6:27 ပူးပေါင်းရင်းမြစ်များ

2 Ebyomubyanda 7:14

aye abantu bange abo ni bagonda ni bansaba, era ni balekera agho okukola ebibi ni baira ye ndi, olwo nze ndidha kubawulirisanga eyo mu igulu ye mba, mbasonighenga ebibi byaibwe era mponienga ensi yaibwe.

Amateeka Agokubiri 28:10

Olwo amaghanga goonagoona ag'oku nsi gaidha kubatyanga, nga gabona Musengwa Katonda nga bw'abeeta abantu be abalondemu.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Yeremia 14:9

Lwaki oba ng'omuntu asobeirwa, era n'oba ng'omulwani ow'amaani aye atasobola kutuwonia naire? Ate nga bwenebwene iwe Musengwa oli mu ife. Ife tuli bantu bo, otatulekulira agho.’ ”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Zabbuli 5:12

kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.

1 Ebyomubyanda 4:10

Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

Amainhama 32:29

Yakobo yaakoba ati: “Nkweghembye, nkobera eriina lyo.” Aye ole yairamu ati: “Lwaki oyenda okumanha eriina lyange?” Agho yaagha Yakobo enkabi agho mu kifo ekyo.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Okubala 23:20

Bona eno, Katonda yandagira okusabira abantu enkabi. Kale Katonda bw'agha enkabi, nze ekyo ti kikyusaamu naire.

Amainhama 32:26

Yaakoba Yakobo ati: “Ndeka nje, kuba obwire buli kukya.” Yakobo yaakoba ati: “Tiidha kukuleka okutoolaku ng'ompaire enkabi.”

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.