Okubala 6:14 - Baibuli Ekibono kya Katonda 2014

¹⁴ Aidha kughangayo ye Musengwa Katonda ensolo isatu edhiziraku kikyamu kyonakyona, dhino: entaama ento enume ey'omwaka omulala ebe ekigheebwayo ekyokebwa; n'entaama ento enduusi ebe ekigheebwayo olw'ebibi; era n'entaama enume ebe ekigheebwayo olw'okutabagana.

Okubala 6:14 ပူးပေါင်းရင်းမြစ်များ

1 Ebyomubyanda 15:26

Baaghaayo omusengo ogw'ente enume musanvu n'entaama enume musanvu eri Katonda, kuba yasobozesa Abalevi okubbeeda Sanduuku y'Endagaano.

Zabbuli 66:15

Ndidha kukughanga ensolo empiite ensavu ng'ebigheebwayo ebyokebwa; era ndidha kughangayo embuzi n'ente enume, aghalala n'entaama enume, memale omwosi gwabyo gunioke nga guja ghaigulu.

Abalevi 14:10

“Ku lunaku olwomunaana anaaleetanga entaama ento enume ibiri, n'entaama enduusi ndala ey'omwaka omulala, dhoonadhoona nga dhiziraku kikyamu kyonakyona. Era anaaleetanga kilo isatu edh'obuwunga bw'engaano obuseereibwa obukalamu, nga butabwirwamu omuzigo ogw'ebibala eby'emiti emyoliva. Era yaaleeta ekitundu kirala kirala ku buli bitundu bisatu ebya lita ey'omuzigo ogw'ebibala eby'emiti emyoliva.

Abalevi 3:6

“Omuntu bw'anaaghangayo entaama oba embuzi ng'ekigheebwayo olw'okutabagana, aghengayo enkazi oba enume ng'eziraku kikyamu kyonakyona.

Abalevi 4:27

Omuntu yeenayeena ku bantu ababuliidho bw'anaabanga nga n'akoze ekibi nga tagendereire, n'asobya ku ebyo Musengwa Katonda bye yalagira,

Abalevi 4:32

Omuntu bw'anaaleetanga entaama nga n'ekigheebwayo kye olw'ebibi, eidha kubanga nkazi ng'eziraku kikyamu kyonakyona.

Okubala 15:27

“Omuntu bw'akolanga ekibi nga tagendereire, aghangayo embuzi enduusi ey'omwaka omulala ng'ekigheebwayo olw'ebibi.

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.