Okubala 6:12 - Baibuli Ekibono kya Katonda 2014

¹² era airengamu buyaaka okweghaayo okuba owa Musengwa Katonda okumala entangama y'anaamalanga nga yeeghaireyo. Agho aidha kughangayo entaama ento enume egheza omwaka omulala, ebe ekigheebwayo ng'omutango. Olwo ekiseera eky'einhuma kye yamala nga yeeghaireyo okuba owa Musengwa Katonda kinaabanga nga tikikaabalwa, kuba kyayonoonebwa.

Okubala 6:12 ပူးပေါင်းရင်းမြစ်များ

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Abalevi 14:24

“Kabona anaatoolanga entaama ento ey'ekigheebwayo ng'omutango, n'omuzigo ogw'ebibala eby'emiti emyoliva, yaabighaayo eri Musengwa Katonda ng'abiwuuba, bibe ekigheebwayo mu maiso ga Musengwa Katonda.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 5:7

Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Okubala 6:11

Agho Kabona oyo aidha kughangayo enhonhi eyindi ng'ekigheebwayo olw'ebibi, n'eyindi ng'ekigheebwayo ekyokebwa, amutooleku ekibi ekyamwidhaku olw'okuliiraana omulambo. Ku lunaku lwene olwo, omuntu oyo aidha kwirangamu okutukuza omutwe gwe,

Okubala 6:13

“Lino n'eiteeka erinaafuganga Omunaziri: Ekiseera kye eky'okweghaayo okuba owa Musengwa Katonda bwe kinaawangaku, banaamuleetanga ku mulyango ogw'Eweema ey'Okwagaananirangamu ni Musengwa Katonda.

Matayo 24:13

Aye oyo alyekalangula okutuusa ku nkomerero, alirokoka.

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Yakobo 2:10

Oyo agema Amateeka goonagoona aye eirala liti ni limulema, abaaku omusango ogw'okumenha Amateeka goonagoona

2 Yoanne 1:8

Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.