Okubala 5:9 - Baibuli Ekibono kya Katonda 2014

⁹ Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.

Okubala 5:9 ပူးပေါင်းရင်းမြစ်များ

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Abalevi 10:13

Mugiriire mu Kifo Ekitukuvu mwonka, kuba ogwo n'omugabo gwo iwe Aaroni, ni batabane bo, ku by'okulya ebigheebwayo eri Musengwa Katonda. Ekyo Musengwa kye yandagira.

Abalevi 10:14

Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 10:15

Banaaleetanga ekisambi ekigheebwayo obugheebwe n'ekifuba ekigheebwayo nga kiwuubibwa, nga baleeta amasavu okuba ekigheebwayo eri Musengwa Katonda ekyokebwa. Ebitundu ebyo banaabiwuubanga, bibe ebigheebwayo mu maiso ga Musengwa Katonda nga biwuubibwa. Era binaabanga bibyo era bya baana bo enaku dhoonadhoona, nga Musengwa Katonda bweyalagira.”

Abalevi 6:26

Kabona anaakighangayo n'aidhanga okukirya era kinaaliirwanga mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 7:32

Era ekisambi eky'oku luuyi olw'omukono omusaadha kyona munaakighanga kabona, kyaba ekigheebwa kabona oyo nga kitoolebwa ku musengo ogugheebwayo olw'okutabagana.

Abalevi 7:34

Ekifuba ekigheebwayo nga kiwuubibwa n'ekisambi ekigheebwa kabona nga kitoolebwa ku musengo ogugheebwayo olw'okutabagana, mbitoire ku Baisiraeli okuva ku misengo gye baghaayo olw'okutabagana, naabigha Aaroni n'abaana be. Bino Abaisiraeli banaateekwanga okubigha bakabona enaku dhoonadhoona.

Okubala 18:19

Nkughaire iwe, ni batabane bo, ni baghala bo, ebigheebwayo ebitukuvu byonabyona Abaisiraeli bye banandeeteranga nze Musengwa Katonda, bibe omugabo gwaimwe gwe munaafunanga ebyanda n'ebyanda. Eyo n'endagaano ye nkoze n'iwe era n'eizaire lyo, etaja kumenhebwagho ebyanda n'ebyanda.”

Okubala 31:41

Musa yaatoola empooza eyo eyali ng'ekigheebwayo eri Musengwa Katonda, yaagigha Eleazari kabona, nga Musengwa Katonda bweyalagira Musa oyo.

Okubala 5:8

Aye omuntu ye yaizaaku omusango bwaba nga yafa ate nga azira musika ye basobola kugha mutango ogwo, olwo gunaaghebwanga Musengwa Katonda gwaba gwa kabona, okwongereza ku ntaama enume egheebwayo olw'okutoolebwaku ebibi y'ali n'okughaayo.

Amateeka Agokubiri 12:26

Mwidha kutwalanga ebigheebwayo byaimwe n'ebyo bye mweyama okugha Musengwa Katonda, mu kifo ekyo Musengwa Katonda ky'aliba ng'alonzeegho.