Okubala 5:7 - Baibuli Ekibono kya Katonda 2014

⁷ Aidha kwatulanga ekibi kye ky'akoze, aghengayo omutango omwidhuvu olw'ekibi ekyo, era ateerengaku n'ekitundu kirala kirala ku buli bitundu bitaanu eby'omutango ogwo, abighe oyo yaiziizaaku omusango.

Okubala 5:7 ပူးပေါင်းရင်းမြစ်များ

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Abalevi 26:40

“Aye baidhukulu baimwe bwe balyatula ebibi byaibwe n'ebibi bya badhaadha baibwe abaakola empwitu ni bandheemera,

Abalevi 26:41

ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,

Abalevi 5:15

“Omuntu bw'anaakolanga ekibi nga tagendereire, olw'obutaghaayo ebitukuvu by'ateekwa okughaayo eri Musengwa Katonda, anaaleetanga eri Musengwa Katonda entaama enume, oba embuzi eziraku kikyamu kyonakyona ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbala entongole ey'eisinzizo.

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.

Abalevi 5:5

Omuntu bw'anaizanga omusango gwonagwona mu ebyo, aidha kwatulanga ekibi kye yakola.

Abalevi 7:7

“Eiteeka erifuga ekigheebwayo olw'ebibi era ni lyene eryo erinaafuganga ekigheebwayo ng'omutango: emamba ey'ebigheebwayo ebyo, enaatwalibwanga kabona anaabanga nga n'akoze ku bigheebwayo ebyo.

Okubala 5:8

Aye omuntu ye yaizaaku omusango bwaba nga yafa ate nga azira musika ye basobola kugha mutango ogwo, olwo gunaaghebwanga Musengwa Katonda gwaba gwa kabona, okwongereza ku ntaama enume egheebwayo olw'okutoolebwaku ebibi y'ali n'okughaayo.

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”