Okubala 5:25 - Baibuli Ekibono kya Katonda 2014

²⁵ Kabona aidha kutoolanga mu ngalo edh'omukazi oyo ekigheebwayo kire eky'emere ey'empeke, ekigheebwayo olw'eibuba, akiwuubenga mu maiso ga Musengwa Katonda era akitenga ku alutaari.

Okubala 5:25 ပူးပေါင်းရင်းမြစ်များ

Okuvaayo 29:24

Ebyo byonabyona, oidha kubita mu ngalo dha Aaroni n'edha batabane, babiwuube bibe ekigheebwayo eri nze Musengwa Katonda nga biwuubibwa.

Abalevi 8:27

Ebyo byonabyona yaabigemya Aaroni ni batabane be, era bano baabiwuuba, byaba ekigheebwayo eri Musengwa Katonda nga kiwuubibwa.

Okubala 5:15

Bwe kinaabanga kityo, iba anaamutwalanga ye kabona era yaatwala n'ekigheebwayo ekimwetaagibwaku nga kya kilo ndala ey'obuwunga bwa sayiri, aye taabufukengaku muzigo waire okubutaaku obubbaani, kuba ekyo n'ekigheebwayo eky'emere ey'empeke olw'eibuba, ekigheebwayo olw'okwidhusa ekibi.

Okubala 5:18

Kabona aidha kusibululanga enviiri dh'omukazi oyo, ng'omukazi oyo ali mu maiso ga Musengwa Katonda, era amutenga mu ngalo ekigheebwayo kire eky'emere ey'empeke eya sayiri, ekigheebwayo olw'okwidhusa ekibi. Kabona mwene, aidha kugemereranga mu ngalo dhe ekibya kire ekirimu amaadhi gale agakaagha agaleeta ekikolimo.

Okubala 5:24

Bw'anaamalanga okukola ekyo, aidha kukobanga omukazi oyo anhwe amaadhi ago agakaagha agaleeta ekikolimo, gamuje mu nda, gamuleetere obulumi obubitirivu.

Okubala 5:26

Era kabona aidha kuyoolanga omuganda mulala ng'ekiidhukizo ku kigheebwayo eky'emere ekyo, omuganda ogwo agwokere ku alutaari. Ng'amaze ekyo, aidha kukobanga omukazi oyo anhwe amaadhi ago.