Okubala 5:22 - Baibuli Ekibono kya Katonda 2014

²² Leka amaadhi gano agaleeta ekikolimo gakungire mu byenda, ozimbezimbe n'omugulu gwo gukutukeku.’ “Omukazi oyo aidha kwirangamu ati: ‘Amiina, Amiina.’

Okubala 5:22 ပူးပေါင်းရင်းမြစ်များ

Zabbuli 109:18

Okukolima abandi tikwamuvangaku ng'oti kivaalo, aye ebikolimo bye byene ka bimwirireku bimuboze omubiri ng'oti maadhi era bimungire bimutuuke ni mu magumba ng'oti muzigo.

Zabbuli 41:13

Musengwa Katonda asaakibwe, Katonda wa Isiraeli! Asaakibwe buti era n'ebyanda n'ebyanda! Amiina era Amiina!

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 89:52

Musengwa Katonda asaakibwenga ebyanda n'ebyanda! Amiina era Amiina!

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Ezekieli 3:3

Era yankoba ati: “Iwe omuntu, lya enzingo ey'ekitabo eyo ye nkughaire ekutuuke mu nda ekwigute.” Agho naagirya era mule mu kanwa yaadhuudhuula ng'oti mudheenene gwa ndhuki.

Okubala 5:23

“Agho kabona aidha kughandiikanga ebibono eby'ekikolimo ebyo ku kintu, amale abinaazengaku n'amaadhi gale agakaagha.

Okubala 5:27

Bw'anaabanga nga tiyali mwesigwa eri iba era nga yeeyonoona, amaadhi ago olunaaganhwanga ni gamutuuka mu nda, gaidha kumuleeteranga obulumi obubitirivu, azimbezimbe, n'omugulu gwe gukutukeku, era mu bantu be abenga kikolimo.

Yoanne 3:11

Bwenebwene ka nkukobere, ife twogera kye twidhi era tukakasa kye twabona, aye imwe muloba okwikiriza obudhulizi bwaife.

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 6:53

Agho Yesu n'okubakoba ati: “Bwenebwene ka mbakobere, okutoolaku nga mulya omubiri gw'Omwana w'Omuntu, era ni munhwa n'omusaayi gwe, timughanga kuba na bulamu.