Okubala 5:2 - Baibuli Ekibono kya Katonda 2014

² “Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Okubala 5:2 ပူးပေါင်းရင်းမြစ်များ

2 Bakyabazinga 7:3

Agho ghaabaagho abasaadha bana abali n'endwaire ey'ebigenge nga bali kuliya kw'omulyango ogwingira mu kibuga Samaria. Beekobaana beene na beene bati: “Lwaki tuli kutyama obwa ghano okutuusa lwe tunaafa?

Abalevi 13:45

“Omuntu alwaire ebigenge, anaavaalanga ngoye nkanufu, yaalekanga n'enviiri dhe nga ti nsunsule okwoleka enaku ye. Era anaaghembanga ku mutwe gwe, yaalangiriranga ati: ‘Tiri mulongoofu, tiri mulongoofu!’

Abalevi 13:46

Taabenga mulongoofu ekiseera kyonakyona ky'anaamalanga ng'akaali mulwaire. Taabenga ghalala na bantu batali balwaire.

Abalevi 13:8

Kabona anairangamu okumwekebeedha. Era okubutukabutuka bwe kunaabanga nga kweyongeire okusansaana ku mubiri, anaamulangiriranga ati tiimulongoofu; olwo anaabanga ng'ali n'endwaire ey'ebigenge.

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Abalevi 21:1

Musengwa yaalagira Musa ati: “Kobera bakabona batabane ba Aaroni oti ghatabangagho waire omulala ati ku beene aneereeteranga okuba atali mulongoofu nga yeeyimba mu mikolo egibaagho mu kufiirwa ab'enganda dhe,

Abalevi 23:29

Kiisi muntu ateebonerezenga ku olwo, anaabanga nga takaabalirwa mu bantu ba Katonda,

Okubala 12:10

Ekire kire bwe kyava ku Weema eyo, okuja okubona nga Miriamu aidhwire endwaire ey'ebigenge, era ng'apaaluuse ng'oti mugozi. Aaroni bweyamulingaku n'abona nga yeenayeena aidhwire endwaire eyo,

Okubala 12:14

Aye Musengwa Katonda yaamwiramu ati: “Nguli ise n'abaire ng'amufuudhie amatanta mu maiso, ti yandibaire na buswavu kumala nnaku musanvu? Kale leka asibirwe kuliya okw'ekifo abantu ghe baasimba weema dhaibwe okumala enaku musanvu, memale bamale bamwingize kabiri.”

Okubala 31:19

Era buli muntu ku imwe eyaita omuntu, n'oyo eyagema ku mufu, asigale eyo kuliya okw'ekifo ghe twasimba weema dhaife, okumala enaku musanvu. Ku lunaku olwokusatu ni ku lwomusanvu mwidha kwetukuza, imwe aghalala n'abantu be mwanhaga.

Okubala 5:1

Agho Musengwa Katonda yaakoba Musa ati: