Okubala 5:18 - Baibuli Ekibono kya Katonda 2014

¹⁸ Kabona aidha kusibululanga enviiri dh'omukazi oyo, ng'omukazi oyo ali mu maiso ga Musengwa Katonda, era amutenga mu ngalo ekigheebwayo kire eky'emere ey'empeke eya sayiri, ekigheebwayo olw'okwidhusa ekibi. Kabona mwene, aidha kugemereranga mu ngalo dhe ekibya kire ekirimu amaadhi gale agakaagha agaleeta ekikolimo.

Okubala 5:18 ပူးပေါင်းရင်းမြစ်များ

Ensambo 5:4

Aye ku nkomerero akaayirira ng'oti lubiriizi, era yaaba mwogi ng'oti mpiima yeene eri n'obwogi ku ndhuyi dhaayo dhombi.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Isaia 38:17

Bwenebwene okuba n'enaku enhingi nakufunamu omuganhulo; kuba iwe olw'okungonza einho wamponia amagombe agazikiriza, wansonigha ebibi byange byonabyona.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Abalevi 13:45

“Omuntu alwaire ebigenge, anaavaalanga ngoye nkanufu, yaalekanga n'enviiri dhe nga ti nsunsule okwoleka enaku ye. Era anaaghembanga ku mutwe gwe, yaalangiriranga ati: ‘Tiri mulongoofu, tiri mulongoofu!’

Okubala 5:15

Bwe kinaabanga kityo, iba anaamutwalanga ye kabona era yaatwala n'ekigheebwayo ekimwetaagibwaku nga kya kilo ndala ey'obuwunga bwa sayiri, aye taabufukengaku muzigo waire okubutaaku obubbaani, kuba ekyo n'ekigheebwayo eky'emere ey'empeke olw'eibuba, ekigheebwayo olw'okwidhusa ekibi.

Okubala 5:17

Agho kabona aidha kufukanga amaadhi mu kibya eky'eitosi agaatukuzibwa, atoolenga ku nkungu eri ghansi mu Weema ey'Okwagaananirangamu ni Musengwa Katonda, agitenga mu maadhi ago okugafuula agakaagha.

Okubala 5:19

Agho kabona aidha kulayizanga omukazi ati, ‘Bw'oba nga tobangaku na musaadha wundi mu buliri, era nga todaaliimangaku n'ofuuka atali mulongoofu, amaadhi gano agaleeta ekikolimo tigaidha kukukola kibi kyonakyona.

Okubala 5:22

Leka amaadhi gano agaleeta ekikolimo gakungire mu byenda, ozimbezimbe n'omugulu gwo gukutukeku.’ “Omukazi oyo aidha kwirangamu ati: ‘Amiina, Amiina.’

1 Ab'e Korintho 11:15

aye ng'omukazi okupiita enviiri kimubonesa bukalamu? Kuba omukazi dhaamugheebwa ng'ebyokweghemba.

1 Ab'e Korintho 11:6

Omukazi bw'ateeghemba ku mutwe kiba kikalamu okusalaku enviiri dhe. Aye nga bwe kiswaza omukazi okusalaku, oba okughalagata omutwe, ateekwa okweghemba ku mutwe.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.

Abaheburayi 13:4

Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.

1 Samueli 15:32

Agho Samueli yaakoba ati: “Mundeetere ghano Agagi kyabazinga w'Abamaleki.” Agagi yaidha ng'aliku akamwenhumwenhu ng'akoba mule ati: “Bwenebwene obulumi obw'okufa mbuwonie.”