Okubala 4:5 - Baibuli Ekibono kya Katonda 2014

⁵ Musengwa Katonda era yaalagira Musa ati: “Buli lwe munaabanga nga muja okusenguka mu kifo, Aaroni ni batabane be baidha kungiranga mu Weema ey'Okwagaananirangamu ni Musengwa Katonda, baghanuleyo olutimbe olukinzaagho oluli emberi w'Esanduuku ey'Endagaano, era balughembe ku sanduuku eyo.

Okubala 4:5 ပူးပေါင်းရင်းမြစ်များ

1 Ebyomubyanda 15:15

Baagibbeedera ku mabega gaibwe n'emiti egy'okugibbeedesa, nga Musengwa Katonda bwe yalagira ng'abita mu Musa.

1 Ebyomubyanda 23:26

Kale ni Abalevi tikikaabeetaagisa kubbeeda Weema ya Musengwa Katonda n'ebintu eby'okukozesa mu Weema eyo.”

2 Ebyomubyanda 3:14

Agho baakola olutimbe olw'omu Kifo Ekitukuvu Einho, mu ngoye edh'erangi ya bbululu, n'edh'eya nakasooma, n'edh'eya kasaayisaayi, n'empegheevu. Era olutimbe olwo baalutonatonamu ebifaananie bya bikerubi.

Okuvaayo 36:35

Era baakolayo olutimbe, mu ngoye edha langi ya bbululu, n'edh'eya nakasooma, n'edh'eya kasaayisaayi, ni mu ngoye empegheevu. Era baalutungiramu ebifaananie eby'ebitonde ebiri n'amaghagha ebyetebwa kerubi nga bakozesa empiso n'ewuuzi.

Okuvaayo 40:3

Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Okuvaayo 40:5

Olwo mute alutaari eyakolebwa mu zaabu ey'okuniokezaaku obubbaani, mu maiso ag'Esanduuku ey'Endagaano, era muteegho ekikinzaagho ekyakolebwa okuba mu omulyango ogwingira mu Weema Entukuvu.

Isaia 25:7

Alizikiriza ku lusozi luno enaku egemye abantu mu maghanga goonagoona n'ebafundekeza.

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Okubala 10:14

Abo ab'ebendera ey'ekikunsu eky'ekika kya Yuda n'abaasooka okutambula nga bali mu bikunsu byaibwe, Nahashoni mutabane wa Amminadabu nga n'ali kubakulembera.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:4

Omulimo ogw'ab'olulyo lwa Kohathi, n'okulabiriranga ebintu ebitukuvu mu Weema eyo.”

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Matayo 27:51

Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Abaheburayi 10:20

Yatwiguliragho engira empyaka era ey'obulamu ebita mu lutimbe, okwo n'okubita mu kweghaayo kwe yeeghaayo.

Abaheburayi 9:3

Einhuma ew'olutimbe olwokubiri yaliyo ekiketezo ekindi ekyetebwa Ekifo Ekitukuvu Einho.

1 Samueli 6:19

Agho Musengwa Katonda yaita abantu ab'e Bethi Shemeshi nsanvu, olw'okuba baalinga mu Sanduuku ey'endagaano ye. Abantu baalira inho olwa Musengwa Katonda okwita abantu abangi batyo.