Okubala 4:34 - Baibuli Ekibono kya Katonda 2014

³⁴ Agho Musa ni Aaroni n'abakulembeze b'Abaisiraeli baabala Abalevi abasaadha ab'olulyo lwa Kohathi, nga bajiira ku nsimuko dhaibwe ni ku nda dhaibwe.

Okubala 4:34 ပူးပေါင်းရင်းမြစ်များ

1 Ebyomubyanda 23:24

Abo n'ab'omu kika kya Levi ng'enda dhaibwe bwe dhaali, era nga n'abaali abakulu b'enda edho. Enda edho n'edhaavaamu abasaadha abaaba nga bagheziiza emyaka amakumi abiri n'okusingagho, abaabalibwa ni baghandiikibwa, nga n'ab'okukolanga omulimo ogw'okugheereza mu isinzizo lya Musengwa Katonda.

Okubala 1:4

Mu buli kika mwidha kuvaamu omukulu waakyo mukole naye.”

Okubala 3:27

Kohathi yasimukamu Abamuramu, n'Abaizehari, n'Abaheberoni n'Abauzzieli abo n'Abakohathi.

Okubala 4:33

Egyo n'emirimo Abalevi abasimuka mu Merari gye banaakolanga mu Weema ey'Okwagaananirangamu ni Musengwa Katonda. Ithamari mutabane wa Aaroni kabona n'anaabalabiriranga mu kukola emirimo egyo.”

Okubala 4:35

Baabala Abasaadha ab'emyaka okuva ku makumi asatu okutuuka ku ataanu, abaikirizibwa okungira ni bakola emirimo mu Weema ey'Okwagaananirangamu ni Musengwa Katonda.