Okubala 4:24 - Baibuli Ekibono kya Katonda 2014

²⁴ Omulimo ogw'ab'olulyo lwa Gereshoni gwidhanga kuba gwa kugheereza na kubbeeda bintu.

Okubala 4:24 ပူးပေါင်းရင်းမြစ်များ

Okubala 10:17

Eweema ey'Okwagaananirangamu ni Musengwa Katonda bweyasimbulwangagho, ng'ab'ekika kya Gereshoni n'ab'ekika kya Merari bagibbeeda, nga batoolera okutambula.

Okubala 3:25

Omulimo gwaibwe gwali gwa kulabiriranga Weema eyo, ebintu ebigighembaku, n'ekintu ekikinzaagho,

Okubala 3:26

n'entimbe edheezungulula oluya, n'ekintu ekikinzaagho mu mulyango ogw'oluya olwezungulula Weema eyo ni alutaari, n'emigugha gyaku. Nga n'abalabirira emirimo egigemagana n'ebintu ebyo byonabyona.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:19

Aye mukolenga muti olwo balobenga kufa nga baseese okumpi n'ebintu ebitukuvu: Aaroni ni batabane be n'abanaasookanga bangira, baagabira buli muntu ky'anaakola ni ky'anaabbeeda.

Okubala 4:23

Bala abasaadha ab'emyaka okuva ku makumi asatu okutuuka ku ataanu, abaikirizibwa okungira ni bakola emirimo mu Weema ey'Okwagaananirangamu ni Musengwa Katonda.

Okubala 4:25

Abo n'abaidha okubbeedanga olugugiriro olwezunguluza oluya lw'Eweema ey'Okwagaananirangamu ni Musengwa Katonda, n'ekintu ekigighembaku eky'omunda, n'ekintu ekigighembaku eky'oku ngulu ekyakolebwa mu mawu ag'embuzi. Era babbeede n'ekintu ekikinza gha mulyango gw'Eweema eyo,

Okubala 4:27

Aaroni ni batabane be n'abanaalagiriranga Abalevi abasimuka mu Gereshoni bye banaakolanga ni bye banaabbeedanga. Iwe oidha kubagemya obuvunaanizibwa obw'ebintu byonabyona bye banaabbeedanga.

Okubala 4:47

Baabala abasaadha ab'emyaka okuva ku makumi asatu okutuuka ku ataanu, abaikirizibwa okungira okukola emirimo n'okubbeeda ebintu mu Weema ey'Okwagaananirangamu ni Musengwa Katonda.

Okubala 4:49

Abo n'abaabalibwa, era buli muntu yaagheebwa omulimo oba ebintu eby'okubbeeda, nga Musengwa Katonda bweyalagira Musa.

Okubala 7:7

Yaatoola ebigaali bibiri n'ente ina yaabigha abo abasimuka mu Gereshoni, ng'ajiira ku mirimo gye baali n'okukola.