Okubala 4:15 - Baibuli Ekibono kya Katonda 2014

¹⁵ Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:15 ပူးပေါင်းရင်းမြစ်များ

2 Samueli 15:24

Agho Abiathari yaidha, era okuja okubona nga ni Zadoki kabona yeena aidha n'Abalevi boonaboona nga babbeedie Esanduuku ey'Endagaano ya Katonda. Baisa ghansi Esanduuku ey'Endagaano, okutuusa abantu boonaboona bwe baamala okuva mu kibuga.

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

1 Bakyabazinga 8:3

Abakulu ab'ebika ab'omu Isiraeli boonaboona bwe baidha, bakabona baabbeeda Esanduuku ey'Endagaano,

1 Ebyomubyanda 15:15

Baagibbeedera ku mabega gaibwe n'emiti egy'okugibbeedesa, nga Musengwa Katonda bwe yalagira ng'abita mu Musa.

1 Ebyomubyanda 15:2

Agho Daudi yaakoba ati: “Ghazira bantu bandi banaabbeeda Sanduuku ya Katonda okutoolaku Abalevi, kuba Musengwa Katonda abo be yalonda okugibbeedanga n'okugirabiriranga enaku dhoonadhoona.”

1 Ebyomubyanda 23:26

Kale ni Abalevi tikikaabeetaagisa kubbeeda Weema ya Musengwa Katonda n'ebintu eby'okukozesa mu Weema eyo.”

Okuvaayo 19:12

Era ja oteegho ensalosalo olusozi kwe lukanga, okobe abantu beegendereze obutaja ku lusozi waire okutuuka okumpi n'ensalosalo eyo. Oyo yeenayeena anaaniina ekigere ku lusozi olwo ali n'okwitibwa.

Okuvaayo 19:21

Yaamukoba ati: “Ika ghansi olabule abantu batatuuma nsalosalo kwidha kuneerolera, kuba bwe banaakikola, abantu kamaala ku abo baidha kufa.

Okuvaayo 27:7

Era oidha kuta emiti egyo mu mikonda, olwo emiti egyo gibe ku mbali ni ku mbali okw'alutaari bw'eba ng'eri kubbeedebwa.

Abalevi 16:13

Agho anaatanga obubbaani ku muliro mu maiso ga Musengwa Katonda, omwosi ogw'obubbaani gwaghemba ekisandikiza eky'Esanduuku ey'Endagaano yaaloba kukibona, olwo alobe kufa.

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 10:21

Agho ab'ekika eky'Abalevi abasimuka mu Kohathi baatoolera okutambula nga babbeedie ebintu ebitukuvu. Era baajanga okutuuka mu kifo eky'okusimbamu weema edh'abantu, nga Eweema ey'Okwagaananirangamu ni Musengwa Katonda yaweire ira okusimbwa.

Okubala 18:3

Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.

Okubala 4:14

Agho baidha kutanga ebintu ebikozesebwa mu mikolo ku alutaari eyo, bino: ebintu eby'okutwalirangaku amanda agaliku omuliro, ebyuma eby'amaino ng'oti wuuma, ebitiiyo n'ebibya. Ng'olwo bagighembaku ekintu ekyakolebwa mu mawu g'embuzi, era nga bagitaaku emiti gyayo egy'okugibbeedesa.

Okubala 4:19

Aye mukolenga muti olwo balobenga kufa nga baseese okumpi n'ebintu ebitukuvu: Aaroni ni batabane be n'abanaasookanga bangira, baagabira buli muntu ky'anaakola ni ky'anaabbeeda.

Okubala 4:20

Aye abantu abasimuka mu Kohathi abo batagezanga kuja kulinga ku bintu ebitukuvu, ni bwekaba akaseera obuseera, kuba ekyo kibaviiramu kufa.”

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Yoshua 4:10

Bakabona abaabbeeda Sanduuku y'Endagaano baayemerera ghagati mu mwiga Yorudani okutuusa nga buli kintu Musengwa Katonda kye yalagira Yoshua okukoba abantu ng'abita mu Musa, kiwoire. Abantu baayangugha okusala omwiga Yorudani

1 Samueli 6:19

Agho Musengwa Katonda yaita abantu ab'e Bethi Shemeshi nsanvu, olw'okuba baalinga mu Sanduuku ey'endagaano ye. Abantu baalira inho olwa Musengwa Katonda okwita abantu abangi batyo.