Okubala 4:14 - Baibuli Ekibono kya Katonda 2014

¹⁴ Agho baidha kutanga ebintu ebikozesebwa mu mikolo ku alutaari eyo, bino: ebintu eby'okutwalirangaku amanda agaliku omuliro, ebyuma eby'amaino ng'oti wuuma, ebitiiyo n'ebibya. Ng'olwo bagighembaku ekintu ekyakolebwa mu mawu g'embuzi, era nga bagitaaku emiti gyayo egy'okugibbeedesa.

Okubala 4:14 ပူးပေါင်းရင်းမြစ်များ

2 Ebyomubyanda 4:19

Solomoni yaakola mu zaabu omukenenule ebintu ebyo byonabyona eby'okukozesebwanga mu isinzizo: alutaari, ni meeza kwe bata emigaati egigheereibwayo eri Katonda,

Okuvaayo 27:1

“Era oidha kukola alutaari mu muti ogwetebwa akasia, ng'endhuyi dhaayo eina dhaagayaga era nga dhigheza nga mita ibiri buli luuyi, ate obugungumavu ng'egheza nga mita ndala.

Okuvaayo 27:3

Ogikolereku obulobo obw'okusuulangamu eivu ery'amasavu. Ogikolereku n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro. Ebintu ebikozesebwa ku alutaari byonabyona, oidha kubikola mu kyuma eky'e kikomo.

Okubala 4:13

Baidha kutoolanga ku alutaari eivu, era bayandheku olugoye lwa langi ya nakasooma.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:6

Olwo baidha kugighembangaku ekintu ekyakolebwa mu mawu ag'embuzi, era okwo bandhuluzeeku olugoye nga lwonalwona lwa bbululu, memale bagiteeku emiti gyayo egy'okugibbeedesa.