Okubala 36:2 - Baibuli Ekibono kya Katonda 2014

² Baakoba bati: “Baisebo, Musengwa Katonda yakulagira okugha Abaisiraeli obutaka bwaibwe obw'ensikirano ng'okozesa obululu. Era Musengwa Katonda yaakulagira otoole obutaka obw'ensikirano obwa muganda waife Zelofehadi, obughe baghala be.

Okubala 36:2 ပူးပေါင်းရင်းမြစ်များ

Yobu 42:15

Mu nsi yoonayoona nga ghazira bakazi baboneka bulungi ng'oti ni baghala ba Yobu. Era iseibwe yaabagha emigabo egy'obusika aghalala ni baanhinaibwe.

Okubala 33:54

Mwidha kugigabana mu bika byaimwe ni mu nda dhaimwe nga mukozesa obululu. Ekika ekinene mwidha kukigha ghanene, ate ekika ekitono mukighe ghatono. Omuntu akalulu ghe kanaamugha n'aghanaaba aghaghe, ng'agabanira mu kika kya ise.

Okubala 36:3

Aye abaghala abo bwe balibayira mu bika ebindi ebya Isiraeli, olwo obutaka bwaibwe obwo buja kuva ku nsikirano ya badhaadha baife, buje bwongerwe ku butaka obw'ebika ebyo bye baliba nga babayiiremu.

Yoshua 13:6

Era ghaligho ekiketezo eky'Abasidoni kyonakyona ababa ghagati gh'ensozi dha Lebanoni ni Misirefothi Maimu kyona kiri n'okunhagibwa. Nze mwene ndidha kubingangayo abantu mu buli kiketezo Abaisiraeli ghe banaatuukanga. Iwe ky'oli n'okukola, n'okubagabaniamu ebiketezo ebyo nga bwe nakulagira.