Okubala 34:2 - Baibuli Ekibono kya Katonda 2014

² akobe Abaisiraeli ati: “Bwemulingira mu nsi Kanaani, ensi ye ndi kubagha ebe obutaka bwaimwe, ensalosalo dhaayo dhija kuba dhiti:

Okubala 34:2 ပူးပေါင်းရင်းမြစ်များ

Amainhama 10:19

Ekiketezo eky'Abakanaani nga kiva mu Sidoni, kyaja nga kyolekeire e Gerari kyatuuka e Gaza era kyaja nga kyolekeire e Sodoma, Gomorra, Adama ni Zeboiimu, kyatuukira irala e Lasha.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Zabbuli 105:11

ng'akoba ati: “Ndibagha ensi Kanaani, yaaba yaimwe ku bwaimwe.”

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Yeremia 3:19

“Musengwa Katonda era akoba ati: ‘Imwe Abaisiraeli, nze nayenda inho okubatwala ng'abaana abange, mbaghe ensi esanhusa era esingira irala okuboneka obulungi mu maghanga goonagoona, ebe yaimwe ku bwaimwe. Era naalowooza nti munandhetanga, Lata, mulobe kukyuka kunvaaku.

Ezekieli 47:13

Agho Musengwa Katonda yaakoba ati: “Dhino n'ensalosalo edh'ensi ey'ensikirano ye muligabania mu bika eikumi n'ebibiri eby'Abaisiraeli aye ekika kya Yosefu nga kifuna emigabo ebiri.

Ezekieli 47:14

Nalayirira badhaadha baimwe okubagha ensi eno. Kale mugigabananga nga mwazayaza, yaafuuka eyaimwe ey'ensikirano.

Okubala 34:1

Agho Musengwa Katonda yaalagira Musa

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 13:1

Agho Yoshua bweyali ng'akairiighe inho, Musengwa Katonda yaamukoba ati: “Okairiighe inho aye ghakaaligho ekiketezo kinene ekiri n'okunhagibwa:

Yoshua 21:43

Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.