Okubala 32:4 - Baibuli Ekibono kya Katonda 2014

⁴ ebyo n'ebiketezo Musengwa Katonda bye yaghangula ng'Abaisiraeli babona. Ebiketezo ebyo birungi bya kwayiramu, ate nga ife abagheereza baimwe tuli baayi.”

Okubala 32:4 ပူးပေါင်းရင်းမြစ်များ

1 Ebyomubyanda 4:41

Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Okubala 21:24

Abaisiraeli baita abasaadha be mu lutalo olwo, era baabanhagaku ekiketezo kye, okuva ku mwiga Arunoni okutuukira irala ku Bammoni, ku mwiga Yabboki kuba e Yazeri n'aghaali ensalosalo n'Abammoni

Okubala 21:34

Aye Musengwa Katonda yaakoba Musa ati: “Otamutya, ndidha kukugha obughanguzi, omughangule n'abantu be boonaboona n'ekiketezo kye kyonakyona. Oidha kumukolaku nga bwe wakola ku kyabazinga Sihoni ow'Abamori eyafugiranga mu Heshiboni.”

Okubala 21:35

Kale Abaisiraeli baita Ogi ni batabane be n'abantu be boonaboona, aghazira kulekaghooku waire muntu mulala ati, era baamala baanhaga ekiketezo kye, kyaba kyaibwe.

Okubala 32:5

Agho baakoba bati: “Tubeeghembye mutughe ekiketezo ekyo kibe obutaka bwaife. Mutatutwala ere ng'osomoike omwiga Yorudani.”

Amateeka Agokubiri 4:38

Era bwe mwalinga nga muli kumpi okutuuka aghantu, yajanga ng'abingagho abantu ab'amaghanga agasinga eryaimwe obukologho n'amaani. Yababinganga mu biketezo byaibwe, aingizeemu imwe era abibaghe bibe obutaka bwaimwe, nga bw'eri mpegaano.