Okubala 32:3 - Baibuli Ekibono kya Katonda 2014

³ “Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:3 ပူးပေါင်းရင်းမြစ်များ

Nehemia 9:22

Wabagha okughangula bakyabazinga n'amaghanga agandi agabeezungulwire. Baatwala ensi ya Sihoni kyabazinga w'e Heshiboni, n'eya Ogi kyabazinga w'e Bashani, dhaaba dhaibwe ku bwaibwe.

Isaia 15:6

Akaiga Nimurimu kakaze, eisubi ku mbali kwako liniaire, ghazira ito likaameraku naire, n'ebimera byonabyona biweekereiregho.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 48:2

Ekitiibwa kya Moabu kiwoiregho. Abazigu bagemye ekibuga Heshiboni ye baategekera okuzikiririza eighanga ly'e Moabu eryo. Imwe abantu b'omu kibuga Madimeni, abazigu baidha kubasirisa, amagye gaibwe gaidha kwidha galumbe ekibuga kyaimwe ekyo.

Yeremia 48:32

Ndidha kulira abantu b'e Sibuma okusingaku bwe ndira abantu b'e Yazeri. Iwe ekibuga Sibuma, oli ng'oti muzabbibu oguli n'ensaga endeeyiriri edhituuka ku Nhandha Eyomuunhu, ni dhituukira irala n'e Yazeri. Aye mperaano ole azikiriza agwire mu bibala byaimwe eby'ekyengera n'emizabbibu gyaimwe, yaabizikiriza.

Yeremia 48:34

“Abantu ab'e Heshiboni n'ab'e Eleale balikuba empungu dhaaja dhaatuukira irala n'e Yahazi. Abantu b'e Zoari, n'ab'e Horonaimu, n'ab'e Egulathi Shelishiya, baliwulira empungu edho. N'akaiga ak'e Nimurimu kalikala.

Yeremia 48:45

Abalirumuka ni bawonagho balyewogomaku mu kibuga Heshiboni nga bawoiremu amaani, nga benda babeeku mu kibuga ekyo kyabazinga Sihoni kye yafugaku. Aye balyagaana Heshiboni nga kiri kubbeibbera muliro. Omuliro guliba gumaze okwokya ebiketezo eby'oku nsalosalo dh'ekibuga n'ebiketezo eby'oku nsozi eby'abantu b'e Moabu abenda einho okulwana entalo.

Ezekieli 25:9

ndireka ebibuga ebikuuma ensalosalo edh'ensi eyo Moabu era ebigigheesa ekitiisa, baabirumba. Ebibuga ebyo ni bino: Bethi Yeshimothi, Baali Meoni ni Kiriathaimu.

Okubala 21:28

Omuliro gwava mu Heshiboni; enimi dhaagwo dhaava mu kibuga kya Sihoni. Gwayokya ekibuga Ari ekya Moabu; gwamamulamamula abakungu ab'ebifo ebigulumivu eby'okusinzizaamu 1 ku mwiga Arunoni.

Okubala 21:30

Abaana n'abaidhukulu tubazikiriiza okuva e Heshiboni okutuuka e Diboni, twabasaaniagho mu bibuga, okutuukira irala e Medeba.”

Okubala 21:32

Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:2

Kale baaja ye Musa ni Eleazari kabona, ni y'abakulembeze mu Isiraeli, baabakoba bati:

Yoshua 13:17

Era kyatwalizaamu ni Heshiboni n'ebibuga ebindi byonabyona ebikiriiraine ebiri ku museetwe ogwo, era ni bino: Diboni, Bamothi Baali, Bethi Baalimeoni,

Yoshua 13:19

Kiriathaimu, Sibuma, ni Zerethi Shahara ekiri ku kasozi akali mu kiiko.

Yoshua 21:39

Heshiboni, ni Yazeri, n'ebiketezo ebibyezungulwire omuli eisubi ery'okwayirangamu.

Abalamuzi 11:26

Isiraeli amaze entangama ya myaka ebikumi bisatu mu Heshiboni, ni mu Aroeri, n'ebyalo ebibyezungulwire, ni mu bibuga byonabyona ebiri ku mbali kw'omwiga Arunoni. Kiki ekyakulobera okubyeiriza mu kiseera ekyo?