Okubala 32:29 - Baibuli Ekibono kya Katonda 2014

²⁹ “Ab'ekika kya Reubeni n'ab'ekya Gadi bwe balyetegeka okulwana, Musengwa Katonda ng'abakulembeiremu, ni basomoka n'imwe Yorudani, memale ni mughangula ekiketezo ekyo eky'e bugwandhuba wa Yorudani, mulibagha ekiketezo eky'e Gileadi ng'obutaka bwaibwe.

Okubala 32:29 ပူးပေါင်းရင်းမြစ်များ

Okubala 32:28

Kale Musa yaalagira Eleazari kabona, ni Yoshua mutabane wa Nuni, n'abakulu ab'ebika mu Isiraeli, ekiragiro ekigema ku bika ebyo byombi, ati:

Okubala 32:30

Aye bwe batalisomoka n'imwe okuja okulwana, olwo balifunira ghalala n'imwe obutaka mu kiketezo eky'e Kanaani.”

Yoshua 13:11

Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

Okubala 32:17

Aye ife twidha kugema eby'okulwanisa tukulemberemu Baisiraeli banaife okutuusa lwe tulibatuusa mu kiketezo ekija okuba ekyaibwe. Olwo tunaaba nga tulese abaana baife abato mu bibuga ebyezungulwirwa ebimante ebigumu, balobe kulumbibwa batyamye ba mu kiketezo kino.

Yoshua 12:6

Bakyabazinga bano bombi baaghangulwa Abaisiraeli nga bakulemberwa Musa omugheereza wa Musengwa Katonda. Era bwe yamala, yaagabaniamu ekiketezo kyaibwe yaakigha eb'ekika kya Reubeni, n'ekya Gadi, n'ekitundu eky'ekika kya Manasse, ng'omugabo gwaibwe.

Yoshua 14:3

Musa yali amaze okugha ebika ebibiri n'ekitundu omugabo gwaibwe e buvandhuba wa Yorudani, aye Abalevi tiyabagha.

Yoshua 18:7

Abalevi bazira mugabo mu imwe, kuba omugabo gwaibwe kugheereza Musengwa Katonda nga bakabona. Ate Abagadi, n'Abareubeni, n'Abamanasse ab'e buvandhuba, baamala ira okufuna emigabo gyaibwe e buvandhuba wa Yorudani, Musa omugheereza wa Musengwa Katonda gye yabagha.”

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

Abalamuzi 10:3

Tola bwe yamala okufa, ghairagho Yairi, eyava e Gileadi. Yaakulembera Isiraeli okumala emyaka amakumi abiri n'ebiri.

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”