Okubala 32:23 - Baibuli Ekibono kya Katonda 2014

²³ Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Okubala 32:23 ပူးပေါင်းရင်းမြစ်များ

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 4:7

Bw'oba ng'okoze ekituufu tosiimibwa? Aye nga bw'okoze obubi, ekibi kikuteegereire ku lwigi nga kyenda okukufuga. Aye oteekwa okukighangula.”

Amainhama 44:16

Yuda yaakoba ati: “Tunaakukoba ki musengwa? Tunaayogera ki? Oba tunaawoza tutya? Katonda ayoleike nga gutusinze. Mpegaano tuli bairu bo, musengwa, ife era n'oyo ayagaaniibwa n'ekikopo.”

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

1 Bakyabazinga 2:33

Yoabu n'eizaire lye baidha kubonerezebwanga enaku dhoonadhoona, nga babalanga olw'okwita abantu abo. Aye Daudi n'eizaire lye era n'abasika be ku kityamo kye eky'obwakyabazinga, Musengwa Katonda aidha kubaghanga emiraala enaku dhoonadhoona.”

Zabbuli 139:11

Bwenkoba nti ka neegise mu nzikiiza, oba nti omusana oguli ghe ndi gufuuke bwire,

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Zabbuli 90:8

Iwe obona ebibi byaife, ni bwebiba ebyo bye tukola mu ngiso.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 24:16

Abakola ebituufu ni bwe bagwa emikuzi kamaala gitya, bamala baasituka aye abakozi b'ebibi bazikirira buzikirire ng'akabi kabaidhiire.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 59:12

“Wo Musengwa Katonda, twakola ebibi kamaala y'oli, era okusobya kwaife okwo kwene kutulumiriza kuba ebibi byaife tubibona, n'okusobya kwaife tukwidhi bukalamu.

Yona 1:7

Agho abavuzi baakoba bati: “Ka tweraguze tubone atuleeseeku ekibambulira kino.” Bwe beeraguza, baazuula nga kiri kuvanga ku Yona.

Ab'e Roma 2:9

Abantu boonaboona abakola ebibi balifuna okudaagadaaga n'obulumi, okwinhamira ku Bayudaaya memale kwireku abamaghanga agandi.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

Yoshua 7:18

Mu ndhu ya Zabudi yaayetamu abasaadha abaalimu, nga buli musaadha aidha lulwe. Akyani mutabane wa Karumi, era mwidhukulu wa Zabudi yaalondebwamu.