Okubala 32:22 - Baibuli Ekibono kya Katonda 2014

²² n'okunhaga ensi eyo. Memale mwire nga muzira kibabandhibwa Musengwa Katonda oba Baisiraeli banaimwe. Olwo aja kukakasa ekiketezo kino kibe obutaka bwaimwe.

Okubala 32:22 ပူးပေါင်းရင်းမြစ်များ

2 Samueli 3:28

Daudi bwe yakimanha nga ghabiseeghooku ekiseera, yaakoba ati: “Nze n'abantu ab'omu bwakyabazinga bwange, tuziraku musango gwonagwona mu maiso ga Musengwa Katonda, olw'okufa kwa Abuneri mutabane wa Neri.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Abalevi 14:34

“Bwe muliba nga mutuuse mu nsi Kanaani ye mbagha okuba obutaka bwaimwe, memale ni nta endwaire ey'ebigenge mu ndhu ey'omuntu mu nsi eyo,

Okubala 32:21

Abalwani baimwe boonaboona baidha kusomoka Yorudani nga Musengwa Katonda n'abakulembeire, okutuusa lw'anaamala okughangula abazigu be,

Amateeka Agokubiri 3:20

Mubeereku baganda baimwe abo, okutuusa lwe balitwala ekiketezo kyaibwe, Musengwa Katonda ky'ali kubagha e bugwandhuba gh'omwiga Yorudani, era okutuusa boona Musengwa Katonda lw'alibagha okutyama ni batereera ng'oti niimwe. Memale mwaira, kiisi muntu ku butaka bwe, bwe namugha.’

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 10:30

Kino kyona Musengwa Katonda yaakibata mu ngalo baakighangula. Baita kyabazinga waamu, n'abantu boonaboona baabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Libuna.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 13:8

Ebika bino: eky'Abareubeni, n'eky'Abagadi, n'ekitundu eky'ekika eky'Abamanasse, byali byamala okufuna ekiketezo Musa omugheereza wa Musengwa Katonda kye yabigha, nga kiri e buvandhuba wa Yorudani.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Yoshua 2:19

Omuntu yeenayeena alifuluma okuva mu ndhu yo n'aitirwa eyo mu nguudo edh'ekibuga, omusango guliba gugwe ti gwaife, aye ye baligemaku ng'ali mu ndhu yo muno, ogwo omusango guliba gwaife.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.