Okubala 32:14 - Baibuli Ekibono kya Katonda 2014

¹⁴ Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Okubala 32:14 ပူးပေါင်းရင်းမြစ်များ

Amainhama 5:3

Adamu bweyagheza emyaka ekikumi n'asatu (130) egy'obukulu, yaazaala omwana omulenzi ng'amufaanana mu mboneka ni mu kikula; yaamutuuma eriina Sethi.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

2 Ebyomubyanda 28:13

Baakoba abo abaali bali kwira okuva mu lutalo, bati: “Timwidha kuleeta ghano basibe abo. Ife twakola ebibi twasungughaza Musengwa Katonda mu Isiraeli, era tuli n'omusango munene. Aye ate imwe muli kwenda kwongereza ku bibi bye twakola, ni ku musango gwe tuli nagwo.”

Ezera 10:10

Ezera kabona yaasituka yaakoba abantu ati: “Mwayonoona okubayiza abakazi abamaghanga agandi, kuba mwayongera bwongere ku musango ensi Isiraeli gw'eri nagwo.

Nehemia 13:18

Badhaadha baimwe batyo ti bwe baakola, memale Katonda n'atuleetaku obuzibu buno bwonabwona, ife ni ku kibuga kino? Aye ate kabiri muli kwenda kuleetera Katonda oyo okusungughalira Isiraeli, nga mwonoona olunaku lwa Sabbato.’”

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Zabbuli 78:57

baamughemukira ng'oti ni badhaadha baibwe bwe baalekera okuba abeesigwa nga tibeesigika ng'oti n'akalaso akeghetamu.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 57:4

Imwe aboonooni era abaguya, naani ye muli kuleetaku omuzaanho? Naani ye muli kwasamizaaku eminwa okumusungiriza?

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Okubala 32:15

Imwe ab'ekika kya Reubeni n'ab'ekya Gadi, bwe munaakyuka ni muloba okujiira ku bya Musengwa Katonda, Musengwa yeena kabiri aidha kulekulira agho abantu bano mu irungu, olwo mube nga niimwe omubaleeteire boonaboona okuzikirira.”

Luka 11:48

Kale mutyo mwakakalisa irala era mwaghagira ebikolwa bya badhaadha baimwe kuba abo baabaita ate imwe mwazimba amagombe gaibwe.

Amateeka Agokubiri 9:24

Mubaire mudheemeranga Musengwa Katonda okuviira irala lwe nabamanha.