Okubala 32:13 - Baibuli Ekibono kya Katonda 2014

¹³ Agho obusungu bwa Musengwa Katonda bwatumbukira ku Baisiraeli ng'oti muliro, yaabaleetera okutambulatambula eyo batyo mu irungu okumala emyaka amakumi ana, okutuusa oluse olwo olwakola ebibi ye Musengwa Katonda bwe lwafa ni luwaagho.

Okubala 32:13 ပူးပေါင်းရင်းမြစ်များ

Zabbuli 107:4

Abandi baatambulatambula eyo batyo mu irungu omuzira kantu, engira yaababula ebatuusa ghe basobola okuba.

Zabbuli 78:33

Kyeyava n'aleetera enaku dhaibwe okuwaagho amangu ng'oti muuka gwa mu nhindo n'enkomerero y'emyaka gyaibwe n'eba ya kikutuko.

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Okuvaayo 16:35

Abaisiraeli baalya mannu okumala emyaka amakumi ana, okutuusa lwe baatuuka mu nsi ey'e Kanaani ghe baafuula obutaka bwaibwe.

Amosi 2:10

Era ninze eyabatoola mu nsi Misiri, naababisa mu irungu okumala emyaka amakumi ana (40), naabaleeta mutwale ensi ey'Abamori abo ebe yaimwe.

Amosi 2:9

“Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Okubala 14:32

Aye imwe emirambo gyaimwe giidha kuziikibwa mu irungu muno.

1 Ab'e Korintho 10:5

Aye waire kyali kityo abasinga obungi ku abo, Katonda tiyabasiima, era baafiira mu irungu.

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.