Okubala 32:1 - Baibuli Ekibono kya Katonda 2014

¹ Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:1 ပူးပေါင်းရင်းမြစ်များ

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 13:5

Loti yeena yali n'ekighaso eky'entaama n'embuzi, n'olugo olw'ente, era n'abantu ab'omu ndhu ye,

Amainhama 29:32

Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.”

Amainhama 47:4

Twidhie okusengaku mu nsi eno, kuba mu nsi y'e Kanaani endhala eriyo nnene, era ezira isubi lya kuliisa byayo byaife. Kale ni mpegaano, tukweghembye, tuganhe tube mu kiketezo eky'e Gosheni.”

2 Samueli 24:5

Baasomoka omwiga Yorudani, baaja okubala abantu nga basookera mu Aroeri ekiri ghagati mu kiiko, beeyongerayo mu kiketezo ky'e Gadi baatuuka e Yazeri.

2 Samueli 24:6

Olwo baaja baatuuka e Gileadi n'e Kadeshi mu kiketezo eky'Abahitti. Beeyongerayo baatuuka e Dani, ate baava eyo beezungulula baaja e Sidoni.

1 Ebyomubyanda 4:41

Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

Okuvaayo 12:38

Olukunkumuli olw'abantu abandi abatali Baisiraeli lwabeeyimbaku baaja nabo. Baaja n'entaama n'embuzi n'ente, n'endogoyi, nga byonabyona biri mu bungi.

Yeremia 22:6

Musengwa Katonda ati bw'akoba ku kisaagaati kya kyabazinga wa Buyudaaya: “Ekisaagaati kya kyabazinga wa Buyudaaya kiboneka bulungi ng'oti n'ensi Gileadi, era ng'oti n'ensozi edh'e Lebanoni. Aye nja kukifuula ekifo ekisigaire obwagho kityo, era ekibuga ekiziramu muntu akibaamu naire.

Yeremia 48:32

Ndidha kulira abantu b'e Sibuma okusingaku bwe ndira abantu b'e Yazeri. Iwe ekibuga Sibuma, oli ng'oti muzabbibu oguli n'ensaga endeeyiriri edhituuka ku Nhandha Eyomuunhu, ni dhituukira irala n'e Yazeri. Aye mperaano ole azikiriza agwire mu bibala byaimwe eby'ekyengera n'emizabbibu gyaimwe, yaabizikiriza.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Okubala 21:32

Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

Okubala 32:2

Kale baaja ye Musa ni Eleazari kabona, ni y'abakulembeze mu Isiraeli, baabakoba bati:

Okubala 32:26

Bakazi baife, n'abaana baife abato, baidha kusigala ghano mu bibuga eby'e Gileadi, ghalala n'ebyayo byaife.

Okubala 32:3

“Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:35

Aturothi Shofani, Yazeri, Yogubeha,

Amateeka Agokubiri 33:21

Beetwalira ekiketezo ekirungi einho okusinga ebindi kuba ogwo n'ogwali omugabo gwaibwe ng'abakulembeze. Baaja n'abakulembeze b'abantu, baatuukiriza ebiragiro bya Musengwa Katonda, n'amateeka ge yagha Isiraeli.”

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.

Yoshua 22:13

Aye nga bakaali, baasooka baatumayo Finehasi mutabane wa Eleazari kabona,

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.

Abalamuzi 5:16

Kiki ekyabasigaza einhuma mu bigo by'entaama, okuwulirisa obuleetu bwe bafuuyira entaama okudheeta? Ab'ekika kya Reubeni beesalamu, baaloba kusalagho oba banaaja.