Okubala 31:9 - Baibuli Ekibono kya Katonda 2014

⁹ Abaisiraeli baanhaga abakazi n'abaana abato ab'Abamidia, baabatwala nga basibe ghalala n'ente dhaibwe dhoonadhoona, n'entaama n'embuzi n'ebintu byaibwe ebindi byonabyona.

Okubala 31:9 ပူးပေါင်းရင်းမြစ်များ

Amainhama 34:29

Era baatwala eby'obukombe byonabyona, baanhaga abaana boonaboona abato, n'abakazi boonaboona, ni byonabyona ebyali mu mayumba.

2 Ebyomubyanda 14:15

Era baalumba ni weema edh'abaayi, baanhaga entaama n'engamiya kamaala inho. Bwe baamala, bairayo e Yerusalemu.

2 Ebyomubyanda 28:5

Olw'ebibi ebyo Ahazi bye yakola, Musengwa Katonda we kyeyava n'amughaayo ye kyabazinga w'e Siria, yaamughangula, era yaatwala abantu be kamaala inho e Damasiko, nga basibe. Kabiri Musengwa Katonda oyo yaamughaayo ye kyabazinga Peka owa Isiraeli, yaamughangula ng'aise n'abantu be kamaala inho.

Okubala 31:10

Baayokya ebibuga eby'Abamidia ni weema dhaibwe.

Okubala 31:53

Aye abalwani beene abaaja mu lutalo, bale abandi abataali baduumizi, buli muntu yasigaza bye yanhaga ku Bamidia.

Okubala 31:8

Baita bakyabazinga abataanu ab'Abamidia, bano: Evi, Rekema, Zuri, Huri ni Reba. Era mu lutalo olwo mwe baitira ni Balaamu mutabane wa Beori.

Amateeka Agokubiri 20:14

Aye munaatwalanga abakazi, n'abaana abato, n'ebyayo, na buli kintu ekinaabanga mu kibuga ekyo, ng'omunhago. Era munaakozesanga ebintu byonabyona bye munaatoolanga ku bazigu baimwe. Ebyo Musengwa Katonda waimwe anaabanga ng'abibaghaire.