Okubala 30:8 - Baibuli Ekibono kya Katonda 2014

⁸ Aye iba bw'anaamuloberanga ku lunaku lw'abiwuliire, olwo anaabanga ng'amenhiegho obweyamo mukazi we oyo bwe yakola, ka bube mu bugenderevu oba mu butali bugenderevu. Era anaabanga ng'amenhiegho n'ekirayiro mukazi we oyo kye yalayira. Era Musengwa Katonda aidha kusonighanga omukazi oyo.

Okubala 30:8 ပူးပေါင်းရင်းမြစ်များ

Amainhama 3:16

Yaakoba omukazi ati: “Ndidha kwongeranga obulumi bungi mu biseera byo ng'oli nda; mu bulumi mw'onaazaaliranga abaana. Ate nga oidha kwendanga inho okuba aghali balo, era aidhanga kukufuga.”

Yeremia 44:19

Abakazi baayongeraku bati: “Bwe twafumbanga emigaati nga gikoleibwa mu kifaananie ky'omusambwa Kyabazinga Omukazi ow'Eigulu ogwo, era ni tugughanga ebigheebwayo ebifukibwa, baibaife baasiimanga bye twakolanga.”

Abalevi 5:4

Omuntu bw'anaayanguyirizanga okweyama okukola ekintu ekirungi oba ekibi, nga tataireyo mwoyo ng'abantu bwe bakola, anaabangaku omusango amangu geene ng'ategeire ky'akoze.

Okubala 30:5

Aye ise oyo bw'anaatakanianga obweyamo obwo n'ekirayiro ekyo ku lunaku lw'abiwuliire, omughala oyo taavunaanizibwenga kubituukiriza. Era Musengwa Katonda aidha kumusonighanga, kuba ise n'amulobeire okubituukiriza.

Okubala 30:7

Bwe kibanga kityo, memale iba n'awulira obweyamo obwo n'ekirayiro ekyo aye n'abula ky'amutakaniamu, olwo omughala oyo aidha kuteekwanga buteekwe okutuukiriza ky'asuubiiza. Taakimenhengagho naire.

Okubala 30:9

“Aye namwandu oba omukazi eyayawukana n'iba, aidha kuteekwanga buteekwe okutuukiriza obweyamo bwe oba ekirayiro kye. Taakimenhengagho naire.

1 Ab'e Korintho 14:34

Bwe mwesolozanga mu Kikunsu eky'Abaikiriza mu Kurisito, abakazi basirikenga busirike. Kuba tibaikirizibwa kwogera, era ng'Amateeka bwe gakoba babenga bawulize.

1 Ab'e Korintho 7:4

Omukazi ti n'afuga omubiri gwe mwene, aye iba n'agufuga. N'omusaadha ti n'afuga mubiri gwe mukazi we n'agufuga.

1 Samueli 1:23

Elukana yaamwiramu ati: “Kale kola ky'obona nga n'ekigwaine, okutuusa lw'alikula n'ava ku mabeere. Aye nsaba Musengwa Katonda akakase ekibono kye.” Kale Hanna yaasigala ghaka ng'alera omwana we okutuusa bwe yakula naava ku mabeere.