Okubala 30:3 - Baibuli Ekibono kya Katonda 2014

³ “Omughala akaali kubayira, ng'akaali mu maka g'abazaire be, bw'aneeyamanga okugha Musengwa Katonda ekintu, oba n'akola ekirayiro ekimusiba,

Okubala 30:3 ပူးပေါင်းရင်းမြစ်များ

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Abalevi 27:2

akobere Abaisiraeli ati, “Ole bw'aneeyamanga okughaayo omuntu eri Musengwa Katonda ng'ekigheebwayo, omuntu oyo agheereibwayo anaanunulwanga omughendo ogw'empiiya guno,

Okubala 30:2

Omusaadha bw'aneeyamanga okugha Musengwa Katonda ekintu, oba n'akola ekirayiro ekimusiba, aidha kuteekwanga buteekwe okutuukiriza ky'asuubiiza. Taakimenhengagho naire.

Okubala 30:4

memale ise n'awulira obweyamo obwo n'ekirayiro ekyo, aye n'abula ky'amutakaniamu, olwo omughala oyo aidha kuteekwanga buteekwe okutuukiriza ky'asuubiiza. Taakimenhengagho naire.

Okubala 6:2

“Koba Abaisiraeli oti omusaadha oba omukazi bw'aneeyamanga ku lulwe, ni yeeghaayo ye Musengwa Katonda afuukire irala owuwe ng'aba Munaziri,

1 Ab'e Korintho 14:34

Bwe mwesolozanga mu Kikunsu eky'Abaikiriza mu Kurisito, abakazi basirikenga busirike. Kuba tibaikirizibwa kwogera, era ng'Amateeka bwe gakoba babenga bawulize.

Yoshua 9:18

Aye ng'Abaisiraeli tibaghanga kwita bantu abo, kuba abakulu ab'ebikunsu mu Isiraeli baali nga bamaze okubalayirira mu liina lya Musengwa Katonda wa Isiraeli. Agho Abaisiraeli boonaboona beemuluguunhiza abakulu abo.

Abalamuzi 11:35

Yefutha bwe yamubona, yaakanulamu ebivaalo olw'enaku, ng'akoba ati: “Nkagwireku mwana wange! Onnakughaiza inho, era ondeeteire obulumi ku mwoyo, kuba neeyama ye Musengwa Katonda era tisobola kumenhagho bweyamo obwo!”

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”