Okubala 30:2 - Baibuli Ekibono kya Katonda 2014

² Omusaadha bw'aneeyamanga okugha Musengwa Katonda ekintu, oba n'akola ekirayiro ekimusiba, aidha kuteekwanga buteekwe okutuukiriza ky'asuubiiza. Taakimenhengagho naire.

Okubala 30:2 ပူးပေါင်းရင်းမြစ်များ

Yobu 22:27

Aidha kukuwuliranga ng'oli ni ky'omusaba, era oidha kutuukirizanga ky'onaabanga weeyamye okukola.

Zabbuli 116:14

Era ndidha kutuukiriza ebyo bye neeyama eri Musengwa Katonda, nga ndi mu bantu be abeesoloiza okumusinza.

Zabbuli 116:18

Era ndidha kutuukiriza ebyo bye neeyama y'oli, nga ndi mu bantu bo abeesoloiza okukusinza

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 15:3

Tasiiga liina lya muntu yeenayeena nziro, takola mwine kibi, era taja ng'ageya baliraanwa be.

Zabbuli 22:25

Nga ndi mu bantu kamaala abeesoloiza, ndikusaaka olw'ebyo by'okola. Ndighaayo kye neeyama, nga ndi mu maiso g'abo abakutya.

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Zabbuli 55:20

Munange bwe twabitanga yatanula olutalo ku bakagwa be, yaamenhagho omukago gwe nabo.

Zabbuli 56:12

Wo Katonda wange, nteekwa okutuukiriza obweyamo bwange; ndidha kughaayo omusengo olw'okukusiima,

Zabbuli 76:11

Imwe abantu mutuukirize eri Musengwa Katonda, oyo Katonda waimwe ebyo bye mweyama; imwe abali mu biketezo ebimwezungulwire mwenamwena mumutonere ebirabo, oyo atiibwa abantu boonaboona.

Okuvaayo 20:7

“Mutakozesanga liina lyange nze Musengwa Katonda waimwe mu bya matamatama, kuba tija kuloba kubonereza oyo yeenayeena akozesa eriina lyange obubi.

Ensambo 20:25

Kuba kwesuula ku mutego, omuntu okusuubiza okugha Katonda ekintu, ate n'amala yeidhusa kye yeeyamye.

Abalevi 5:4

Omuntu bw'anaayanguyirizanga okweyama okukola ekintu ekirungi oba ekibi, nga tataireyo mwoyo ng'abantu bwe bakola, anaabangaku omusango amangu geene ng'ategeire ky'akoze.

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Okubala 21:2

Abaisiraeli beeyama eri Musengwa nga bakoba bati: “Bw'onaatugha okughangula abantu bano, twidha kuzikiriza ebibuga byaibwe tubimaliregho irala.”

Okubala 30:10

Era bw'anaabanga ng'aliku kye yeeyama oba kye yalayira nga mufumbo,

Okubala 32:24

Kale muzimbire abaana baimwe abato ebibuga, muzimbire n'ensolo dhaimwe ebigo, era mutuukirize kye musuubiiza okukola.”

Matayo 23:16

“Mukagwireku imwe, abakulembera abandi nga muli batulu. Mukoba muti, ‘Alayira mu liina ery'eisinzizo ekirayiro tikimusiba, aye alayira mu zaabu ow'eisinzizo asibwa ekirayiro kye.’

Matayo 23:18

Era mukoba muti, ‘Ole bw'alayira mu alutaari, ekirayiro tikimusiba, aye yeenayeena alayira mu kirabo ekiri ku alutaari asibwa ekirayiro kye.’

Ebikolwa by'Abatume 23:12

Bwe bwakya enkyo, Abayudaaya beekobaana, beefuugha nga bakoba bati tibaja kulya waire okunhwa okutoolaku nga bamaze okwita Paulo.

Ebikolwa by'Abatume 23:14

Agho baaja ye Bakabona Abakulu n'abakulu ab'ebika, baakoba bati: “Twesoomeire obutakomba ku kantu koonakoona okutoolaku nga tumaze okwita Paulo.

Ebikolwa by'Abatume 23:21

Aye otaganha, kuba ghaligho abasaadha abasinga mu makumi ana (40) abaja okumweteega. Beesoomeire obutalya waire okunhwa okutoolaku nga bamaze okumwita era mperaano beetegeike nga bateeze ky'onaabakoba.”

2 Ab'e Korintho 1:23

Katonda aidhi ebiri mu mwoyo gwange n'omudhulizi wange, nti olw'obutenda kubataghaania n'ekyandobera okwidha e Korintho.

Abalamuzi 11:11

Agho Yefutha yaaja n'abakulembeze b'e Gileadi, abantu baamufuula mufuzi era mukulembeze waibwe. Yefutha yaayogera ebibono bye byonabyona mu maiso ga Musengwa Katonda e Mizipa.

Abalamuzi 11:39

Emyezi ebiri bwe gyawaaku, omughala yaira ye ise. Ise yaakola nga bwe yeeyama ye Musengwa Katonda, omughala yaafa nga mwegha. Okwo n'okwava empisa mu Isiraeli,