Okubala 30:12 - Baibuli Ekibono kya Katonda 2014

¹² Aye iba bw'anaabimuloberanga n'abisazaamu ku lunaku lw'abiwuliire, olwo byonabyona omukazi oyo bye yayogera eby'obweyamo bwe oba eby'ekirayiro kye yasuubiza okubaaku ekintu ky'aneerumyamu, binaabanga nga tibikaamufuga. Era Musengwa Katonda aidha kumusonighanga.

Okubala 30:12 ပူးပေါင်းရင်းမြစ်များ

Yeremia 44:17

Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.

Yeremia 44:19

Abakazi baayongeraku bati: “Bwe twafumbanga emigaati nga gikoleibwa mu kifaananie ky'omusambwa Kyabazinga Omukazi ow'Eigulu ogwo, era ni tugughanga ebigheebwayo ebifukibwa, baibaife baasiimanga bye twakolanga.”

Okubala 15:25

Agho kabona akolanga omukolo ogw'okutoolebwaku ebibi, olw'Abaisiraeli boonaboona okusoniyibwanga, kuba ekisobyo ekyo tikyali kigenderere ate nga bandeeteire nze Musengwa Katonda ekigheebwayo kyaibwe ekyokebwa n'ekigheebwayo olw'ebibi, olw'ekisobyo kyaibwe ekyo.

Okubala 15:28

Kabona akoleranga mu maiso gange, nze Musengwa Katonda, omukolo ogw'okutoolebwaku ebibi olw'omuntu akoze ekibi nga tagendereire, era omuntu oyo asoniyibwanga.

Okubala 30:11

era nga iba yakiwulira aye yaabula ky'amutakaniamu okumulobera, olwo omukazi oyo aidha kuteekwanga buteekwe okutuukiriza ky'asuubiiza. Taakimenhengagho naire.

Okubala 30:13

Iba w'omukazi oyo asobola okukakasa oba okumenhagho obweyamo n'endagaano omukazi oyo yaaba ng'akoze ng'alayira okubaaku ekintu ky'aneerumyamu.

Okubala 30:5

Aye ise oyo bw'anaatakanianga obweyamo obwo n'ekirayiro ekyo ku lunaku lw'abiwuliire, omughala oyo taavunaanizibwenga kubituukiriza. Era Musengwa Katonda aidha kumusonighanga, kuba ise n'amulobeire okubituukiriza.

Okubala 30:8

Aye iba bw'anaamuloberanga ku lunaku lw'abiwuliire, olwo anaabanga ng'amenhiegho obweyamo mukazi we oyo bwe yakola, ka bube mu bugenderevu oba mu butali bugenderevu. Era anaabanga ng'amenhiegho n'ekirayiro mukazi we oyo kye yalayira. Era Musengwa Katonda aidha kusonighanga omukazi oyo.

1 Ab'e Korintho 11:3

Aye nhenda mumanhe nga Kurisito n'afuga buli musaadha, omusaadha n'afuga mukazi we, era Katonda n'afuga Kurisito.

1 Samueli 1:23

Elukana yaamwiramu ati: “Kale kola ky'obona nga n'ekigwaine, okutuusa lw'alikula n'ava ku mabeere. Aye nsaba Musengwa Katonda akakase ekibono kye.” Kale Hanna yaasigala ghaka ng'alera omwana we okutuusa bwe yakula naava ku mabeere.