Okubala 3:7 - Baibuli Ekibono kya Katonda 2014

⁷ Baidha kukolanga mu Weema ey'Okwagaananirangamu ni Musengwa Katonda, nga bagheereza kabona Aaroni oyo era n'abantu abandi boonaboona.

Okubala 3:7 ပူးပေါင်းရင်းမြစ်များ

1 Ebyomubyanda 26:20

Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

1 Ebyomubyanda 26:22

Batabane ba Yehieli oyo, bano: Zethamu ni muganda we Yoeli, n'abaakuliranga amaterekero g'eisinzizo.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

Abalevi 8:35

Muteekwa okusigala ku mulyango gw'Eweema ey'Okwagaananirangamu ni Musengwa Katonda, okumala enaku musanvu, okutuukiriza ekiragiro kya Musengwa Katonda, memale mulobe kufa, kuba atyo Musengwa Katonda bweyandagira.”

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 3:32

Omukulu ow'abakulembeze ab'Abalevi yali ng'ali n'okuba Eleazari mutabane wa Aaroni kabona. Era nga n'ali n'okukulira abakola mu Kifo Ekitukuvu.

Okubala 3:8

Baidha kulabiriranga ebintu byonabyona ebikozesebwa mu Weema eyo, era bakolenga emirimo gyonagyona egy'omu Weema eyo, ku lw'Abaisiraeli boonaboona.

Okubala 31:30

Ku mugabo ogw'Abaisiraeli abandi abasigairegho oidha kutoolaku omuntu mulala mulala ku buli bantu ataanu abanhage, era oidha kukola otyo ku nte, ku ndogoyi, ku ntaama, ku mbuzi, era ni ku nsolo edhindi dhoonadhoona, obighe Abalevi abalabirira Weema ya Musengwa Katonda.”

Okubala 8:11

era Aaroni aidha kubaghaayo ye ndi ng'ekigheebwayo ekiwuubibwa eky'Abaisiraeli, olwo gube mulimo gwaibwe okumpeereza.

Okubala 8:15

Era baidha kugheerezanga mu Weema ey'Okwagaananirangamu ni Musengwa Katonda, ng'omaze okubatukuza n'okubaghaayo ng'ekigheebwayo ekiwuubibwa;