Okubala 3:25 - Baibuli Ekibono kya Katonda 2014

²⁵ Omulimo gwaibwe gwali gwa kulabiriranga Weema eyo, ebintu ebigighembaku, n'ekintu ekikinzaagho,

Okubala 3:25 ပူးပေါင်းရင်းမြစ်များ

1 Ebyomubyanda 23:32

Era baagheebwa ogw'okulabiriranga Eweema ey'Okwagaananirangamu ni Musengwa Katonda, n'Ekifo Ekitukuvu, nga babeeraku baganda baibwe bakabona ab'olulyo lwa Aaroni okugheerezanga mu isinzizo lya Musengwa Katonda.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

Okuvaayo 25:9

Eisinzizo lino n'ebintu byamu, biri n'okukolebwa nga bijiira ku ntegeka ye ndidha okukwoleka.”

Okuvaayo 40:19

Agho yaayandhuluza ekighemba ku Weema Entukuvu, kabiri yaataaku n'ekindi eky'oku ngulu, nga Musengwa Katonda bweyalagira.

Okuvaayo 40:28

Olwo yaasiba ekintu ekikinzaagho ku mpango edh'omu mulyango ogwingira mu Kifo Ekitukuvu Einho.

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 10:17

Eweema ey'Okwagaananirangamu ni Musengwa Katonda bweyasimbulwangagho, ng'ab'ekika kya Gereshoni n'ab'ekika kya Merari bagibbeeda, nga batoolera okutambula.

Okubala 3:24

Omukulu waibwe nga ni Eliasafu mutabane wa Laeli.

Okubala 3:7

Baidha kukolanga mu Weema ey'Okwagaananirangamu ni Musengwa Katonda, nga bagheereza kabona Aaroni oyo era n'abantu abandi boonaboona.

Okubala 7:7

Yaatoola ebigaali bibiri n'ente ina yaabigha abo abasimuka mu Gereshoni, ng'ajiira ku mirimo gye baali n'okukola.

Mariko 13:34

“Kiri ng'omuntu avaagho n'aja eghala, n'aleka amaka ge ng'aghaire abagheereza be obuyinza ate n'emirimo emyawufu buli mugheereza. Era oyo ali ku mulyango n'amulagira okukuumanga.

Ab'e Kolosai 4:17

Mukobere Arikippo muti: “Oteekwa okumaliriza omulimo gwe wagheebwa mu bugheereza bwa Musengwa.”

1 Timotheo 1:18

Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,