Okubala 28:6 - Baibuli Ekibono kya Katonda 2014

⁶ Ekyo n'ekigheebwayo ekyokebwa ekya buli lunaku ekyagheerwa ku lusozi Sinai, akawoowo kaakyo kansangaaza nze Musengwa Katonda.

Okubala 28:6 ပူးပေါင်းရင်းမြစ်များ

Amosi 5:25

“Imwe Abaisiraeli, nze tyabasabaaku kundeeteranga misengo na bigheebwayo, emyaka amakumi ana (40) gye nababisa mu irungu.

Ezekieli 46:14

Okwo mwidha kuleeterangaku buli lunaku, kilo ibiri edh'obuwunga ni lita ndala ey'omuzigo ogw'ebibala eby'emiti emyoliva ogw'okutabula mu buwunga obwo ekyo kibe ekigheebwayo eky'emere ey'empeke. Eiteeka erigema ku kigheebwayo kino liidha kubangagho byanda na byanda.

Zabbuli 50:8

Tiri kubanenia lwa misengo gyaimwe, oba olw'ebigheebwayo ebyokebwa bye mumpa.

Ezera 3:4

Baakolanga embaga ey'Ekibinuko eky'Entindi nga bwe kyaghandiikibwa, era baaghangayo ebigheebwayo ebyokebwa ebya buli lunaku, nga bajiira ku mikuzi amateeka ge giragira okubighaayo ku lunaku olwo.

2 Ebyomubyanda 31:3

Kyabazinga yaatoola ku bintu ebibye ku bubwe, yaaghaayo ebigheebwayo ebyokebwa, ebya buli nkyo n'ebya buli igulo, n'eby'oku Sabbato, n'eby'oku mbaga ey'Ekibinuko eky'Okuboneka kw'Omwezi, n'eby'oku mbaga edh'ebibinuko ebindi ebyalagirwa, nga bwe kyaghandiikibwa mu Mateeka ga Musengwa Katonda.

2 Ebyomubyanda 2:4

Bona, ndi kutegeka okuzimbira Musengwa Katonda wange eisinzizo, okumugheesa ekitiisa. Ndidha kughaayo eisinzizo eryo libe lya Musengwa Katonda oyo olw'okumuniokezangamu obubbaani obuwunha akawoowo, n'okumuteerangamu emigaati egigheereibwayo y'ali, n'okumugheerangamu ebigheebwayo eby'enkyo n'eigulo ebya buli lunaku, n'eby'oku Sabbato, n'eby'oku mbaga edh'Ebibinuko eby'Okuboneka kw'Omwezi, n'eby'oku mbaga edh'ebibinuko ebindi ebyateebwagho, nga Musengwa Katonda waife oyo bwe yalagira Abaisiraeli okukolanga olubeerera.

Abalevi 6:9

aghe Aaroni ni batabane be amateeka aganaafuganga ebigheebwayo ebyokebwa ati: “Ekigheebwayo ekyokebwa, kinaasigalanga ku nku ku alutaari obwire bwonabwona, era omuliro gunaakuumibwanga nga guli kwaka.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

Okubala 28:5

Era mwidha kugheerangayo ku ntaama eyo ey'oku nkyo ekigheebwayo eky'emere ey'empeke nga kya kilo ndala ey'obuwunga obuseereibwa obukalamu, obutabwirwamu lita y'omuzigo omukenenule ogukamwirwa mu bibala eby'emiti emyoliva.

Okubala 28:7

Era mwidha kugheerangayo ku ntaama eyo ey'oku nkyo ekigheebwayo eky'ebyokunhwa ebitamiiza nga kya lita ndala. Mwidha kukifukanga mu kifo ekitukuvu ng'ekigheebwayo eri nze Musengwa Katonda.

Ezekieli 46:15

Kale entaama ento, n'obuwunga, n'omuzigo ogw'ebibala eby'emiti emyoliva, biidha kugheebwangayo eri nze Musengwa Katonda buli nkyo, ng'ekigheebwayo ekyokebwa eky'ebyanda n'ebyanda.”

Abalevi 27:34

Ebyo n'ebiragiro Musengwa Katonda bye yagha Musa ku Lusozi Sinai ku lw'Abaisiraeli.