Okubala 28:3 - Baibuli Ekibono kya Katonda 2014

³ Era bakobe oti, kino n'ekigheebwayo ekyokebwa kye munaaghangayo ye Musengwa: entaama enume ibiri edh'omwaka omulala omulala edhiziraku kikyamu kyonakyona dhibenga ekigheebwayo ekya buli lunaku.

Okubala 28:3 ပူးပေါင်းရင်းမြစ်များ

1 Ebyomubyanda 16:40

Buli nkyo n'eigulo nga bali n'okughaayo eri Musengwa Katonda ku alutaari ebigheebwayo ebyokebwa, nga bajiira ku ebyo byonabyona ebyaghandiikibwa mu Mateeka ga Musengwa Katonda, ge yagha eighanga lya Isiraeli.

2 Ebyomubyanda 8:13

Yaabighangayo nga bwe kyalinga kiragirwa buli lunaku, ng'Amateeka ga Musa bwe galagira okubighaayo: ku Sabbato, ni ku Kibinuko eky'Okuboneka kw'Omwezi, ni ku bibinuko ebisatu ebya buli mwaka eky'Emigaati Egitazimbulukusiibwa, n'eky'Amakungula, n'eky'Entindi.

Ezera 3:5

Bwe baamalanga ekyo baayongeranga okughaayo ebigheebwayo ebya buli lunaku ebyokebwa byonabyona okuwaagho, n'ebigheebwayo ku mbaga edh'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi Musengwa Katonda bye yalagira, n'ebigheebwayo ebya buli muntu eby'ekyeyendere.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Danieli 12:11

“Okuva abantu lwe balirekera okughaayo ebigheebwayo ebyokebwa ebya buli lunaku, ng'Ekyenhinhalwa Ekizikiriza kimaze okuteebwagho, ghalibaagho enaku lukumi na bibiri na kyenda (1,290).

Danieli 8:11

Keekudumbaza inho, kaatuuka n'okwesonsa ku Mulangira akulira amagye ag'omu igulu. Kaalekera agho okumugha ebigheebwayo ebyokebwa ebya buli lunaku, kaayonoona n'eisinzizo lye.

Danieli 8:13

Agho naawulira omutukuvu mulala ng'ali kwogera. Era omutukuvu owundi yaabuuza ole eyayogera ati: “Ebyo ebiboneibwa mu kubonekerwa biribaagho kutuuka li? Ebigheebwayo ebyokebwa ebya buli lunaku birimala kiseera ki nga bikaali kwizibwagho? Okwonoona kulizikiriza ensi kutuuka li? Eigye ery'omu igulu n'eisinzizo birityankirirwa kutuuka li?”

Abalevi 3:5

Bakabona ab'oku lulyo lwa Aaroni banaayokeranga ebyo byonabyona ku alutaari, ghalala n'ekigheebwayo ekyokebwa ekiromba ekiri ku nku ku muliro. Akawoowo kaabyo kasangaaza Musengwa Katonda.

Abalevi 6:9

aghe Aaroni ni batabane be amateeka aganaafuganga ebigheebwayo ebyokebwa ati: “Ekigheebwayo ekyokebwa, kinaasigalanga ku nku ku alutaari obwire bwonabwona, era omuliro gunaakuumibwanga nga guli kwaka.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Okubala 28:10

Mwidha kughangayo ekigheebwayo ekyokebwa ekyo ekya buli lwa Sabbato, nga mwongereza ku kigheebwayo ekyokebwa ekya buli lunaku, n'ekigheebwayo ekijiiraku eky'ebyokunhwa.

Okubala 28:15

Era Mwidha kughangayo embuzi enume ndala ng'ekigheebwayo olw'ebibi, nga mwongereza ku kigheebwayo ekyokebwa ekya buli lunaku, n'ekigheebwayo ekijiiraku eky'ebyokunhwa.

Okubala 28:23

Ebyo mwidha kubighangayo, nga mwongereza ku kigheebwayo ekyokebwa ekya buli lunaku.

Okubala 28:24

Mutyo bwe mwidha okughangayo buli lunaku, okumala enaku musanvu, ekigheebwayo ekyokebwa akawoowo kaakyo kansangaaza nze Musengwa Katonda. Mwidha kukighangayo okwongereza ku kigheebwayo ekyokebwa ekya buli lunaku, n'ekigheebwayo ekijiiraku eky'ebyokunhwa.

Okubala 28:31

Mwidha kughangayo ebintu ebyo nga mwongereza ku kigheebwayo ekyokebwa ekya buli lunaku, ghalala n'ekigheebwayo eky'emere ey'empeke, n'ekigheebwayo ekijiiraku eky'ebyokunhwa. Mwegenderezenga ebintu ebyo birobenga kubaaku kikyamu kyonakyona.

Okubala 28:4

Entaama eyindi ku edho mwidha kugighangayo ku nkyo, ate eyindi mugighengayo olw'eigulo.

Okubala 29:11

Era mughengayo embuzi enume ndala ng'ekigheebwayo olw'ebibi, olw'okutoolebwaku ebibi byaimwe. Mubighengayo ghalala n'ekigheebwayo ekijiiraku eky'emere ey'empeke n'ekigheebwayo ekijiiraku eky'ebyokunhwa, nga mwongereza ku kigheebwayo ekyokebwa ekya buli lunaku.

Okubala 29:16

Era mughengayo embuzi enume ndala ng'ekigheebwayo olw'ebibi. Mwidha kubighangayo ghalala n'ekigheebwayo ekijiiraku eky'emere ey'empeke, n'ekigheebwayo eky'ebyokunhwa, nga mwongereza ku kigheebwayo ekyokebwa ekya buli lunaku.

Okubala 29:6

Mubighengayo ghalala n'ekigheebwayo ekijiiraku eky'emere ey'empeke n'ekigheebwayo ekijiiraku eky'ebyokunhwa, nga mwongereza ku kigheebwayo ekyokebwa eky'omwezi ogwakaboneka. Akawoowo kaakyo kansangaaza nze Musengwa Katonda.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Abaheburayi 9:6

Ebintu ebyo byonabyona nga bimaze okutegekebwa bityo, bakabona baajanga buliidho mu kiketezo eky'eweema ekituukirwamu, baakolanga eby'obwakabona.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.