Okubala 28:1 - Baibuli Ekibono kya Katonda 2014

¹ Musengwa Katonda yaakoba Musa ati:

Okubala 28:1 ပူးပေါင်းရင်းမြစ်များ

1 Ebyomubyanda 23:31

n'okughangayo eri Musengwa Katonda oyo ebigheebwayo ebyokebwa, ku Sabbato, ni ku buli Kibinuko eky'Okuboneka kw'Omwezi, era ni ku nnaku edhindi edhaateebwagho. Ebyo byonabyona nga bali n'okubikolanga mu maiso ga Musengwa Katonda aghazira kwosaamu naire, era nga bajiira ku mughendo ogulagirwa.

2 Ebyomubyanda 2:4

Bona, ndi kutegeka okuzimbira Musengwa Katonda wange eisinzizo, okumugheesa ekitiisa. Ndidha kughaayo eisinzizo eryo libe lya Musengwa Katonda oyo olw'okumuniokezangamu obubbaani obuwunha akawoowo, n'okumuteerangamu emigaati egigheereibwayo y'ali, n'okumugheerangamu ebigheebwayo eby'enkyo n'eigulo ebya buli lunaku, n'eby'oku Sabbato, n'eby'oku mbaga edh'Ebibinuko eby'Okuboneka kw'Omwezi, n'eby'oku mbaga edh'ebibinuko ebindi ebyateebwagho, nga Musengwa Katonda waife oyo bwe yalagira Abaisiraeli okukolanga olubeerera.

2 Ebyomubyanda 23:18

Yehoiada yaagemya bakabona n'Abalevi omulimo ogw'okukolanga mu isinzizo lya Musengwa Katonda abo nga Daudi be yataagho mu isinzizo eryo, okughangayo eri Musengwa Katonda ebigheebwayo ebyokebwa, nga bwe kyaghandiikibwa mu Mateeka ga Musa. Era ekyo bakikolenga nga basagamba era nga bemba, nga Daudi oyo bwe yalagira.

2 Ebyomubyanda 31:3

Kyabazinga yaatoola ku bintu ebibye ku bubwe, yaaghaayo ebigheebwayo ebyokebwa, ebya buli nkyo n'ebya buli igulo, n'eby'oku Sabbato, n'eby'oku mbaga ey'Ekibinuko eky'Okuboneka kw'Omwezi, n'eby'oku mbaga edh'ebibinuko ebindi ebyalagirwa, nga bwe kyaghandiikibwa mu Mateeka ga Musengwa Katonda.

2 Ebyomubyanda 8:13

Yaabighangayo nga bwe kyalinga kiragirwa buli lunaku, ng'Amateeka ga Musa bwe galagira okubighaayo: ku Sabbato, ni ku Kibinuko eky'Okuboneka kw'Omwezi, ni ku bibinuko ebisatu ebya buli mwaka eky'Emigaati Egitazimbulukusiibwa, n'eky'Amakungula, n'eky'Entindi.

Ezera 6:9

Era mughenga bakabona ab'e Yerusalemu, buli lunaku aghazira kukoosaamu, ebintu byonabyona ebineetaagisanga: ente enume entototo, n'entaama enume n'enkazi, bigheebwengayo eri Katonda ow'eigulu, ng'ebigheebwayo ebyokebwa. Era mubaghenga n'engaano, n'omuunhu, n'omwenge ogw'emizabbibu, n'omuzigo ogw'ebibala eby'emiti emyoliva.

Nehemia 10:33

Era twidha kughangayo ebintu bino: emigaati egigheebwayo eri Katonda, n'ebigheebwayo eby'emere ey'empeke ebya buli lunaku, n'ebigheebwayo ebyokebwa ebya buli lunaku, n'ebigheebwayo ku buli lwa Sabbato, n'ebigheebwayo ku mbaga ey'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi ebyalagirwa, n'ebintu ebindi ebitukuvu, n'ebigheebwayo ku lw'Abaisiraeli olw'okutoolebwaku ebibi. Twidha kughangayo n'ebintu ebindi byonabyona ebyetaagisa mu isinzizo.

Isaia 1:13

Mulekere agho okuleetanga ebigheebwayo ebiziramu makulu. Obubbaani bwe muniokeza buneenhinhasa, oteeku n'Ebibinuko eby'Okuboneka kw'Omwezi bye mukuza, n'enaku dha Sabbato dhe mukuza, n'okwesoloza kwaimwe okw'okusinza. Tisobola kuguminkiriza bibi byaimwe, ni nguminkiriza na kwesoloza kwaimwe okwo okw'okusinza.

Ezekieli 44:24

Bwe ghanaabangagho enkaayana mu bantu, bakabona n'abanaalamulanga nga bajiira ku mateeka gange. Baidha kukuumanga embaga edh'ebibinuko byange bye nalagira, n'enaku dhange edha Sabbato entukuvu, nga bajiira ku mateeka gange n'ebiragiro byange.

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Ezekieli 46:11

Ku mbaga edh'ebibinuko ebyalagirwa ni ku nnaku enkulu, omuntu aidha kughangayo ekigheebwayo eky'emere ey'empeke nga kya buzito bwa kilo ikumi na musanvu n'ekitundu, ku buli nte enume ento ni ku buli ntaama enume. Ate ku buli ntaama ento aidha kuteerangaku obuzito obw'ekigheebwayo eky'emere ey'empeke bwonabwona bw'anaasobolanga. Aye nga ku buli kigheebwayo kya mere ya mpeke, aleeteraku ni lita isatu edh'omuzigo ogw'ebibala eby'emiti emyoliva.

Abalevi 9:15

Aaroni bweyamala ebyo, yaaleeta ekigheebwayo eky'abantu: yaatoola embuzi ey'ekigheebwayo olw'ebibi, yaagiita era yaagighaayo olw'ebibi by'abantu ng'oti ni bweyakola ng'aghaayo olw'ebibi bye.

Okubala 27:23

Musa oyo yaata emikono gye ku mutwe gwa Yoshua, yaamugemya ogw'okukulemberanga abantu abo, nga Musengwa Katonda bweyalagira Musa oyo.

Okubala 28:2

“Lagira Abaisiraeli oti, bali n'okughangayo ebigheebwayo eby'emere ebyokebwa, ebiri n'akawoowo akansangaaza. Bakobe batengayo inho omwoyo okubighaayo ku nnaku dhaabyo edhaalagirwa.

Okubala 7:15

ente ento enume ndala, entaama ento enume ndala ey'omwaka omulala, n'entaama enume ndala enkulu; ekyo nga n'ekigheebwayo ekyokebwa.

Ab'e Galatia 4:10

Mukuza enaku, emyezi, n'ebiseera eby'endhawulo eby'omwaka, era n'emyaka.

Ab'e Kolosai 2:16

Kale ole atabasaliranga musango olw'ekyo kye mulya oba kye munhwa, oba ku lw'ebyo ebigema ku bibinuko eby'eby'ensinza, oba eby'Okuboneka kw'Omwezi, oba Sabbato.